,,ჩვენ არ უნდა ვიფიქროთ იმის შესახებ, ვინ რას მოგვცემს, ჩვენ უნდა ვიფიქროთ იმაზე, რას მივცემთ სამშობლოს“

,,ჩვენ არ უნდა ვიფიქროთ იმის შესახებ, ვინ რას მოგვცემს, ჩვენ უნდა ვიფიქროთ იმაზე, რას მივცემთ სამშობლოს“ - პატრიარქი ,,სნოს“ გახსნაზე

პოლიტიკა - 16:17, 23 Jul, 2017

2507

ჩვენი ქვეყანა დიდ შედეგს მიაღწევს და ამის საწინდარია სიყვარული, რომლის მაგალითსაც ჩვენი პატრიარქი გვაძლევს - პრემიერი სასტუმრო ,,სნოს“ გახსნაზე

სოფელ სნოში, შიოლა ღუდუშაურის სახელობის სულიერებისა და კულტურის ცენტრის ტერიტორიაზე 34 ნომრიანი ახალი სასტუმრო გაიხსნა. ღონისძიებას საქართველოს პრეზიდენტი, პრემიერ-მინისტრი და საქართველოს პატრიარქი ესწრებოდნენ.

საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სასტუმროს გახსნის ცერემონიაზე შეკრებილი საზოგადოება დალოცა. პატრიარქის განცხადებით, სასტუმრო ”სნო” უნდა იქცეს მაგალითად სხვა რეგიონებისთვის.

"ადამიანი შეიძლება დაიღალოს, შეიძლება დაეცეს, მაგრამ იმდენი ძალა უნდა მოიკრიბოს, რომ ადგეს და გააგრძელოს გზა. ჩვენ ვიმყოფებით მეტად მნიშვნელოვან რეგიონში, ეს არის სნოს ხეობა, რომელიც იცავს საქართველოს ჩრდილოეთის მხრიდან. ეს სასტუმრო აშენდა არა იმიტომ, რომ ვიღაცამ ისარგებლოს და მატერიალური სარგებელი ნახოს, ეს სასტუმრო აშენდა იმისთვის, რომ ნახოთ და გაიმეოროთ სხვა რეგიონებში მსგავსი მოქმედება. ჩვენ არ უნდა ვიფიქროთ იმის შესახებ, ვინ დაგვეხმარება, ვინ რას მოგვცემს, ჩვენ უნდა ვიფიქროთ იმის შესახებ, ჩვენ რას მივცემთ სამშობლოს, რას გავაკეთებთ. აი მე ვაჩვენე მაგალითი ამის”, - აღნიშნა უწმინდესმა სიტყვით გამოსვლისას.

სასტუმრო "სნოს" მოგება სოფლის განვითარებას და მოსახლეობის პრობლემების მოგვარებას მოხმარდება.