პრეზიდენტის ვეტო მორიგი პოლიტიკური ბრალდებების საგანი ხდება

პრეზიდენტის ვეტო მორიგი პოლიტიკური ბრალდებების საგანი ხდება - ხელისუფლებისა და ოპოზიციის შეფასებები

პოლიტიკა - 12:34, 22 Jul, 2017

1094

პრეზიდენტის ვეტოების პოლიტიკური შეფასებები უკვე მოჰყვა პარლამენტართა მხრიდან. პარლამენტის იურიდიულ საკითხთა კომიტეტის თავმჯდომარის მოადგილე, დავით მათიკაშვილი, აცხადებს, რომ პრეზიდენტის მხრიდან ვეტოს დადების უფლების ხშირად გამოყენება მის ფუნქციას აკნინებს.

„პირადად ჩემი აზრი თუ გაინტერესებთ, აუცილებლად ორივე ვეტო უნდა იქნას დაძლეული ორივე კანონზე, რადგანაც როგორც ერთი, ასევე მეორე კანონპროექტი ემსახურება ქვეყნის ინტერესებს და ჩვენი ქვეყნის დემოკრატიული გზით განვითარებას,“ - აცხადებს დავით მათიკაშვილი.

ერთიანი ნაციონალური მოძრაობის ერთ-ერთი ლიდერი, ზაზა ბიბილაშვილი კი პრეზიდენტის ვეტოს დადებითად აფასებს.

ენმ-ში მიაჩნიათ, რომ მმართველ გუნდი ივანიშვილის გავლენის ქვეშა.

„ისინი ამბობენ, რომ ვეტოს დაძლევენ, რაც იმაზე მეტყველებს, რომ ისინი შინაარსობრივად არც კი უღრმავდებიან იმ შენიშვნებს, ისინი არც კი აცნობიერებენ იმ პასუხისმგებლობას რომლის წინაშეც დგანან და განაგრძობენ იმ დავალების შესრულებას, რომელსაც, სამწუხაროდ, დღემდე ახორციელებენ ივანიშვილების ოჯახის წინაშე,“ - განაცხადა ზაზა ბიბილაშვილმა.

მმართველი გუნდის წევრები პარტიული მიზნების მისაღწევად თვითმმართველობის რეფორმის გახორციელებას ცდილობენ - ეს შეფასება კი "ევროპული საქართველოს" წევრს ირაკლი აბესაძეს ეკუთვნის.

„ქართულ ოცნებას დაკარგული აქვს ამომრჩევლის მხარდაჭერა და ამ თვალსაზრისითაც მათთვის მნიშვნელოვანია, რაც შეიძლება, ნაკლებ ერთეულში ტარდებოდეს არჩევნები,“ - აცხადებს ირაკლი აბესაძე.