,,ფინანსთა სამინისტრო, ამ ცვლილებით, იძულებული გახდება გაამჟღავნოს ივანიშვილის ფირმების დავალიანებები“

,,ფინანსთა სამინისტრო, ამ ცვლილებით, იძულებული გახდება გაამჟღავნოს ივანიშვილის ფირმების დავალიანებები“ - რომან გოცირიძე

პოლიტიკა - 20:59, 21 Jul, 2017

2371

ნიკა გვარამიას განცხადების პასუხად, ფინანსთა სამინისტროს შემოსავლების სამსახურის მიერ გაკეთბულ განცხადებას ფეისბუქის გვერდზე ეხმაურება რომან გოცირიძე. შემოსავლების სამსახურში აცხადებენ, რომ საგადასახადო საიდუმლოებას არ განეკუთვნება და საჯაროა გადასახადის გადამხდელის საგადასახადო დავალიანების შესახებ ინფორმაცია. როგორც უწყების განმარტებიდან ირკვევა, ცვლილება ამ კუთხით ძალაში მიმდინარე წლის 30 ივნისს შევიდა. გოცირიძე შეახსენებს ფინანსთა სამინისტროს, რომ ამ ცვლილების თანახმად, უწყებას მოუწევს ივანიშვილის საგადასახადო დავალიანებების გამჟღავნებაც.

,,მიმდინარე წლის 30 ივნისს ძალაში შევიდა ცვლილებები საგადასახადო კოდექსში, რომლის მიხედვითაც საგადასახადო დავალიანება უკვე არ წარმოადგენს საიდუმლოს.

როგორც ირკვევა, მთავრობის მიერ ინიცირებული ცვლილება მიმართული იყო რუსთავი 2-ის წინააღმდეგ. ისარგებლა რა ამ შესწორებით, ფინანასთა მინისტრმა გაამჟღავნა რუსთავი 2-ის ბიუჯეტის წინაშე არსებული ვალები ( გამოწვეული უშუალოდ ხელისუფლების უკანონო ქმედებების შედეგად) და ამით ახალი შეტევა წამოიწყო მის წინააღმდეგ. ამავე დროს, ეს ცვლილება ძალიან მძიმე მდგომარეობაში ჩააგდებს თვით ფინანსთა სამინისტროს, რადგან იძულებული გახდება გაამჟღავნოს ბიძინა ივანიშვილის ფირმების დავალიანებები ბიუჯეტის წინაშე, რის შესახებაც დღეს მიმართა ფნანსთა მინისტრს ნიკა გვარამიამ“ - წერს რომან გოცირიძე.