"არასერიოზული დამოკიდებულება" - კულტურის მინისტრის პირველი კომენტარი საიას კვლევაზე

პოლიტიკა - 14:04, 20 Jul, 2017

1767

„ახალგაზრდა იურისტთა ასოციაციის“ მიერ გავრცელებულ კვლევას, რომელიც პროექტ „ჩექინ ჯორჯიას“ მიერ, გასულ წელს საქართველოში ჩატარებულ კონცერტებს და დარღვევებზეა ეხება, საქართველოს კულტურის მინისტრი არასერიოზულს უწოდებს.

მიხეილ გიორგაძე ამბობს, რომ მისმა უწყებამ კონცერტებზე გაყიდულ ბილეთებთან დაკავშირებით ინფორმაცია ონლაინ ბილეთების კომპანიისგან მიწოდებულ ინფორმაციაზე დაყრდნობით გაავრცელა.

„ვფიქრობ, ცოტა არასერიოზულ რეჟიმში გადავიდა ეს საკითხი. სამჯერ ზედიზედ მოუწიათ უკვე საკუთარი სარჩელის გამოტანა. პირადად მე მათ კომპეტენციაში არ შევიტანდი რაიმე ეჭვს, უბრალოდ მე მეჩვენება, რომ უკვე პირადულ დამოკიდებულებაში გადადის ეს ყველაფერი და რაღაც ჩასაფრების რეჟიმში, რაც ჩემთვის აბსოლუტურად გაუგებარია,“ - განაცხადა მიხეილ გიორგაძემ.

"ახალგაზრდა იურისტთა ასოციაცია" აცხადებს, რომ ბილეთები, რომელიც ონლაინ გაიყიდა შეიძინეს უცხო ქვეყნის მოქალაქეებიდან მხოლოდ 5,23%-მა, ხოლო საქართველოში ჩამოსული ტურისტების რაოდენობის მიხედვით, ამ სამ ღონისძიებას მხოლოდ 0,5% ესწრებოდა. ეს ციფრები ორგანიზაციის განცხადებით, განსხვავდება იმ ციფრებისგან, რომელზეც კულტურის მინისტრი საუბრობდა.

საია-ს თქმით, კულტურის სამინისტროს მიერ „ჩექინ ჯორჯიას“ პროექტების მიზანი ქვეყანაში ტურისტების რაოდენობის ზრდა იყო, რაც ოფიციალური დოკუმენტებით არ დასტურდება.