ვანო ჯავახიშვილის ადვოკატმა დიმიტრი საძაგლიშვილმა ტელეწამყვანის გამოკითხვის შემდეგ განაცხადა, რომ გამომძიებლების შეკითხვებს დეტალურად უპასუხეს.

"გამომძიებლებს აინტერესებდათ, ხომ არ განხორციელებულა რაიმე სახის კონტაქტი ვანო ჯავახიშვილთან, ხომ არ განხორციელებულა მასზე მუქარა გარდა იმ პოსტისა, რომელიც სოციალურ ქსელში გამოქვეყნდა. აღნიშნულზე მიიღეს პასუხი. რაც შეეხება გამოძიების მიმდინარეობას, გამოძიება ჯერ არ არის დაწყებული. ეს გამოჩნდება ალბათ მას შემდეგ, რაც ემზარ კვიციანი იქნება გამოძახებული, ან მას გაესაუბრებიან პოლიციის თანამშრომლები და გადაამოწმებენ, თუ რა ინფორმაციაზე დაყრდნობით საუბრობდა ის, როდესაც ვანო ჯავახიშვილის მოსალოდნელ მკვლელობას ახსენებდა" -განაცხადა საძაგლიშვილმა.