"უფრო მეტი კითხვა ალბათ ემზარ კვიციანს ეკუთვნის, ვიდრე მე"- ვანო ჯავახიშვილი

პოლიტიკა - 21:09, 19 Jul, 2017

2450

რუსთავი 2-ის გადაცემა „The ვანოს შოუს" წამყვან ვანო ჯავახიშვილი ,,პატრიოტთა ალიანსის“ წევრის ემზარ კვიციანის მიერ გაკეთებული განცხადების გამო გამოკითხვაზე იმყოფებოდა, სადაც კვიციანი აცხადებდა, რომ „ვანო ჯავახიშვილი გიორგი სანაიას მსგავსად, მომავალი მსხვერპლი შეიძლება გახდეს“.

როგორც ჯავახიშვილმა გამოკითხვის შემდეგ განაცხადა, რომ გამომძიებლები დაინტერესდნენ, ვინმესგან მის მიმართ რამე მუქარა ხომ არ განხორციელებულა.

"გამომძიებლებს ჰქონდათ კითხვები, მუქარასთან დაკავშირებით, ოდესმე თუ ყოფილა ზარები. მსგავსი ფაქტები ჩემს ცხოვრებაში არ ყოფილა. ზედმეტი კითხვები არ ჰქონდათ. დაკითხვამ ჩაიარა კარგად ზრდილობიანად გვესაუბრნენ ალბათ იგეგმება ბატონი ემზარის დაკითხვაც და ალბათ კითხვებიც შესაბამისად მას ეკუთვნის ვიდრე მე. მის ამ განცხადებას როდესაც ასეთი რეაქცია მოჰყვა მედიისა და საზოგადოების მხრიდან, მერე ვითომ შეიცვალა ამ მუქარის მიმართულება და გადაიტანეს იუმორში, რომ ემზარს ასეთი იუმორი აქვს და აანონსებს ადამიანების ლიკვიდაციას. ჩემი აზრით უნდა დახვეწონ იუმორის ფორმულები და რა არის მუქარის შემცველი აზრი და იმის მიხედვით გააკეთონ ხოლმე განცხადებები. მე ჩემ თავზე საერთოდ არ ვნერვიულობ ყველაზე დიდი გულისტკენა რაც იყო ეს არის ჩემი ოჯახის წევრები, რომლებიც განსაკუთრებულად განიცდიან“- განაცხადა ჯავახიშვილმა.