ვანო ჯავახიშვილმა თბილისის პოლიციის მთავარი სამმართველო დატოვა

ვანო ჯავახიშვილმა თბილისის პოლიციის მთავარი სამმართველო დატოვა - რა კითხვები ჰქონდა გამოძიებას

პოლიტიკა - 20:24, 19 Jul, 2017

19174

თბილისის პოლიციის მთავარი სამმართველო დატოვა რუსთავი 2-ის გადაცემა „The ვანოს შოუს" წამყვანმა, ვანო ჯავახიშვილი ,,პატრიოტთა ალიანსის“ წევრის ემზარ კვიციანის მიერ გაკეთებული განცხადების გამო იმყოფებოდა, სადაც კვიციანი აცხადებდა, რომ „ვანო ჯავახიშვილი გიორგი სანაიას მსგავსად, მომავალი მსხვერპლი შეიძლება გახდეს“.

სამართალდამცავბემა ვანო ჯავახიშვილს კითხვები ემზარ კვიციანის ფეისბუქპოსტთან დაკავშირებით დაუსვეს. გამოძიების ინტერესს წარმოადგენდა, ხომ არ ჰქონდა ადგილი მის მიმართ რაიმე სახის მუქარას.

ჯავახიშვილის ადვოკატის დიმიტრი საძაგლიშვილის თქმით, ამ ეტალპე გამოძიება ინფორმაციების შეგროვებით არის დაკავებული.

სამმართველოს შენობაში შესვლამზე ვანო ჯავახიშვილმა ჟურნალისტებთან კომენტარი გააკეთა, მისი ვარაუდით, კვიციანის განცხადება „პატრიოტთა ალიანსის“ მოსკოვში ვიზიტზე „The ვანოს შოუში“ გაჟღერებულ ხუმრობებს უკავშირდება.

,,მის ამ განცხადებას როდესაც ასეთი რეაქცია მოჰყვა მედიისა და საზოგადოების მხრიდან, მერე ვითომ შეიცვალა ამ მუქარის მიმართულება და გადაიტანეს იუმორში, რომ ემზარს ასეთი იუმორი აქვს და აანონსებს ადამიანების ლიკვიდაციას“ - განაცხადა ვანო ჯავახიშვილმა და იმედი გამოთქვა, რომ საქმის შესწავლა ობიექტურად მოხდება.