შინაგან საქმეთა მინისტრის მოადგილე შალვა ხუციშვილის ინფორმაციით, უვიზო მიმოსვლის ამოქმედების შემდგომ, საზღვრიდან უკან გამობრუნებულთა რიცხვი145-ს არ ღემატება.

როგორც ხუციშვილმა ჟურნალისტებს განუცხადა, უვიზო მიმოსვლით საქართველოს 45 000-მდე ​მოქალაქემ ისარგებლა.

„ჩვენ მაქსიმალურად ვაკონტროლებთ ქვეყნიდან გასული პირების შესახებ მონაცემებს. მუდმივი კომუნიკაცია გვაქვს ჩვენს ევროპელ პარტნიორებთან და ის რისკები, რაც დანაშაულის ან უკანონო მიგრაციის კუთხით შეიძლება იყოს, მუდმივ კონტროლზეა აყვანილი. თუ იქნება სარისკო, ჩვენი მხრიდან ყველა ზომა ტარდება იმისათვის, რომ პრევენციულად ვიმუშაოთ. გარდა ამისა, გავააქტიურეთთანამშრომლობა ევროკავშირის საზღვრის დაცვის სააგენტოსთან და უკვე თვის ბოლოს ვგეგმავთ დამატებით მოლაპარაკებებს, მათთან დადებული ხელშეკრულების გადასახედად. ჩვენ ვაკონტროლებთ მოქალაქეების უკან ჩამოსვლას და არ არის მაჩვენებელი იმისა, რომ მასობრივ დარღვევას ჰქონდეს ადგილი“, - განაცხადა ხუციშვილმა.