ქართული ოცნების" ლიდერები NDI-ის წინასაარჩევნო მონიტორინგის მისიის წარმომადგენლებს შეხვდნენ

პოლიტიკა - 12:10, 18 Jul, 2017

1400

NDI-ის წინასაარჩევნო მონიტორინგის მისიის წარმომადგენლები "ქართული ოცნების" ლიდერებს შეხვდნენ. შეხვედრას თბილისის მერობის კანდიდატი კახა კალაძეც ესწრებოდა. პარლამენტის თავმჯდომარის ირაკლი კობახიძის თქმით , მმართველი გუნდს NDI -სთან თანამშრომლობის სრული მზადყოფნა აქვს:

"ჩვენ, პირველ რიგში, მხარდაჭერისთვის მადლობა გადავუხადეთ NDI-ის. გამოვთქვით თანამშრომლობის სრული მზადყოფნა. გვქონდა საუბარი წინასაარჩევნო გარემოზე სხვადასხვა თვალსაზრისით. ვთქვით, რომ ჩვენი მთავარი ამოცანა ის არის, რომ კანონი მაქსიმალრად დაცული იყოს და არჩევნები მაქსიმალურად მშვიდობიანად ჩატარდეს. ამისათვის "ქართული ოცნება" ყველაფერს გააკეთებს." - განაცხადა პარლამენტის თავმჯდომარემ ირაკლი კობახიძემ.

თბილისის მერობის კანდიდატის კახა კალაძის თქმით ყველა პარტიას უნდა მიეცეს საშუალება საკუთარი ხედვები გააცნოს მოსახლეობას და არ უნდა იყოს ხელშეშლა:

"მნიშვნელივანია წინასაარჩევნო პროცესებში საერთაშორისო ორგანიზაციების ჩართულობა. ჩვენ გვინდა არჩევნები მშვიდ ვითარებაში ჩატარდეს, რომელიც აბსოლუტურად გამჭვირვალე იქნება. ყველა პარტიას უნდა მიეცეს საშუალება საკუთარი ხედვები გააცნოს მოსახლეობას და არ უნდა იყოს ხელშეშლა. ჩვენ, 2012 წლის შემდეგ, თავისუფლების სულ სხვა სტანდარტი დავამკვირდეთ." - განაცხადა კალაძემ.