გაიხრდება თუ არა ბუნებრივი აირის ღირებულება - სემეკი სატარიფო განაცხადებს განიხილავს

პოლიტიკა - 12:57, 17 Jul, 2017

1079

დღეს საქართველოს ენერგეტიკის მარეგულირებელი ეროვნული კომისია გაზის ტარიფზე მსჯელობს. დღევანდელ სხდომაზე ტრანსპორტირების კომპანიის, ხვალ კი „ყაზტრანსგაზ თბილისის“, „სოკარ ჯორჯია გაზისა“ და „საქ-ორგ-გაზის“ სატარიფო განაცხადებს განიხილავს.

კომისიის წევრის გოჩა შონიას თქმით საკითხზე მსჯელობა აუცილებელია, რადგან წლების განმავლობაში შეიცვალა პირობები და ასევე შეიცვალა ტარიფის სტრუქტურაც, თუმცა ტარიფის შესაძლო ცვლილებასთან დაკავშირებით წინასწარი პროგნოზისგან შონია თავს იკავებს.

„განიხილება გაზის ტრანსპორტირების კომპანიის მიერ შემოტანილი სატარიფო განაცხადი. ითხოვა ტარიფის დადგენა თავის მაგისტრალურ ქსელებზე . ჩვენ უნდა მოვისმინოთ ორიივე მხარის მოსაზრებები. შესაბამისად კომისიას შეაფასებს ამ სატარიფო განაცხადს და მიირებს გადაწყვეტილებას. ტრანსპორტირების კომპანიას რაც შეეხება, მისი ტარიფი არ გადათვლილა გაცილებით უფრო დიდი ხნის განმავლობაში, დაახლოებით 2000 წლიდან. რაც შეეხება სამომხმარებლო ტარიფებს, მინდა გითხრათ, რომ ასევე არ გადახედილა ამ გამანაწილებელი კომპანიებისთვის ტარიფები დაახლოებით ათი წელია. შესაბამისად, რა თქმა უნდა, ამ ტარიფების სტრუქტურა შეიცვალა ამ წლების განმავლობაში, რადგან შეიცვალა ზოგადად პირობები“- განაცხადა შონიამ.