ოთარ აბესაძის საქმეში ცნობილი ტელეჟურნალისტი „რობერტო მავანი“ ფიგურირებს

პოლიტიკა - 12:39, 17 Jul, 2017

19459

ქრთამის აღებისთვის დაკავებული მერიის თანამშრომლის საქმეში ტელეკომპანია „იმედის“ გასართობი გადაცემა „შინაურების“ წამყვანი ლევან კვარაცხელია „რობერტო მავანი“ ფიგურირებს. გავრცელებული ინფორმაციით, სწორედ მან დააკავშირა ერთმანეთს ოთარ აბესაძე და მტკვარზე რესტორნის მოწყობის მიზნით მოლაპარაკებების მწარმოებელი ვინმე ზვიად ჩიხლაძე.

გამოძიების ვერსიით, ოთარ აბესაძე საქართველოს მოქალაქეებს თბილისში მდინარე მტკვარზე, ტივზე არსებული კაფეს და შესაბამისი ინფრასტრუქტურის მოწყობისთვის საჭირო ნებართვების, თბილისის მერიის სხვადასხვა სამსახურებიდან, დაჩქარებული წესით აღებაში დახმარებას დაჰპირდა, რის სანაცვლოდაც, ქრთამის სახით, 3000 აშშ დოლარის გადახდა მოითხოვა.

"ნიუპოსტი" აბესაძის ადვოკატს, ლილი გელაშვილის დაუკავშირდა. უფლებადამცველს საქმეში ფიგურანტების შესახებ გამოძიების ინტერესებიდან გამომდინარე საუბარი არ სურს.

"საქმის მასალების შესახებ ერ ვისაუბრებ. შესაბამისად ვერაფერს ვერ დავადასტურებ და ვერც ვუარყოფ. შემიძლია, მხოლოდ ერთ გვარზე ვისაუბრო ეს არის ჩიხლაძე. სხვას ვერაფერს გეტყვით'"- განუცხადა "ნიუპოსტს" ადვოკატმა.