"სექსუალური მუქარის შემცველი განცხადებები ფაშისტი, ჰომოფობი ჯგუფებისგან"- ხოშტარია სამართლდამცავ უწყებებს მიმართვს

პოლიტიკა - 11:20, 17 Jul, 2017

3138

"ევროპული საქართველოს' თბილისის მერობის კანდიდატი ელენე ხოშტარია ე.წ ქართული მარშის ორგანიზატორების, ფეისბუქზე გამოქვეყნებული კრიტიკული სტატუსს სისხლისსამართლებრივ დანაშაულად მიიჩნევს და სამართალდამცავი უწყებების მხრიდან ამ ფაქტის რეაგირების გარეშე დატოვებას ქვეყნისთვის საშიშ მოვლენად აღიქვამს.

,,სოციალურ ქსელებში ჩვენ ვიხილეთ აბსოლუტურად ამაზრზენი შემთხვევა ფაშისტი, ჰომოფობი, მოძალადე ჯგუფებისგან თავისუფალ მოქალაქეზე სექსუალური მუქარის შემცველი განცხადებებით. ჩვენ კარგად უნდა გვესმოდეს, რომ გამოხატვის თავისუფლება ძალიან მნიშვნელოვანია რაოდენ მიუღებელიც არ უნდა იყოს ეს აზრი, მაგრამ გუშინდელი განცხადებები თათია დოლიძის მიმართ იყო კონკრეტულად სექსუალური ძალადობის შემცველი. ეს არის სისხლისსამართლებრივი დანაშაული. აქედან გამომდინარე, ვუცხადებთ სოლიდარობას თათია დოლიძეს და ყველა იმ ქალს, ვინც არის ზოგადად ძალადობის ან ძალადობის მუქარის შემცველი განცხადებების მსხვერპლი. ჩვენ ვიცით, რომ ეს ჯგუფები თავის დროზე წახალისებული იყო ხელისუფლების მიერ, რომლებიც იყენებდნენ პოლიტიკური ძალადობისთვის და დღეს ჩვენ ვხედავთ აბსოლუტურად უმოქმედო, უუნარო ხელისუფლებას, რომელიც არ იცავს თავის მოქალქეებს მსაგავს შემთხვევებში. აქედან გამომდინარე, ჩვენი მთლიანად საზოგადოების ვალია და ეს არ არის მხოლოდ პარტიული საკითხი, ამ მოქმედებას გაეცეს და მიიღოს სათანადო პასუხი. ჩვენ ვიწყებთ კონსულტაციებს ყველა საზოგადოებრივ ჯგუფთან, პოლიტიკური პარტიებთან, რომ არ დავტოვოთ რეაგირების გარეშე ქვეყნისთვის ძალიან საშიში მოვლენა. ეხლა გამოჩნდება, რომ ვართ სახელმწიფო, რომლისთვისაც ფასეულია თავისუფლება, თუ სახელმწიფო, რომელიც გახდება მოძალადეთა და ფაშისტების სახელმწიფო,’’ - განაცხადა ელენე ხოშტარიამ.