თბილისის მერობის კანდიდატი ზაალ უდუმაშვილი ვეძისის მოსახლეობას შეხვდა. ვეძისელებმა მერობის კანდიდატს მოუწესრიგებელი სავალი გზის, სასმელი წყლის არქონასა და საბავშვო სკვერის არარსებობაზე ესაუბრნენ.

ზალიკო უდუმაშვილმა განაცხადა, რომ მისი გამარჯვების შემდეგ, ამ პრობლემებს აუცილებლად მოაგვარებს.

„ეს არის გზა, სადაც ელემენტარულად სასწრაფო დახმარებაც კი ვერ ადის, როდესაც ავადმყოფს სჭირდება გადაუდებელი დახმარების დახმარების აღმოჩენა. საუბარია საბურთალოს რაიონზე. ონკანში წყალი არ მოდის და თუ მოდის, ისეთი ბინძურია, რომ ვერ სვამს ადგილობრივი მოსახლეობა და ბავშვებს ელემენტარული გასავლელი არ აქვთ. ერთადერთი სტადიონი, რომელიც ჰქონდათ, ისიც გაყიდა უკვე ხელისუფლებამ და იქ კორპუსია უკვე წამოჭიმული. სწორედ ამიტომ, შემოდგომიდან, ყველაფერი უნდა შეიცვალოს ამ ქალაქში და ყველა უბანს და ყველა რაიონს უნდა ჰქონდეს ზუსტად ერთნაირი განვითარება,“ - განაცხადა ზაალ უდუმაშვილმა.