"ევროპული საქართველოს“ წევრი ოთარ კახიძე ხელისუფლებას ვანო მერაბიშვილის ციხიდან გაყვანასთან დაკავშირებით გამოძიების განახლებას ითხოვს.

მისი განცხადებით, „განსხვავებული აქცენტების“ ეთერში, სასჯელაღსრულებისა და პრობაციის სამინისტროს ყოფილი მაღალჩინოსანის, ირაკლი კორძაიას განცხადების საფუძველზე საქმის მოკვლევა უნდა განახლდეს.

ოთარ კახიძე ხელისუფლებასა და უმრავლესობის წარმომადგენლებს მოუწოდებს ოპოზიციასთან ერთად, მოითხოვონ მიუკერძოებელი გამოძიების ჩატარება.

"მოვუწოდებ მათ კიდევ ერთხელ, სერიოზულად მოეპყრონ ამ მნიშვნელოვან მტკიცებულებას, მოწმის ჩვენებას, განაახლონ გამოძიება და მართლმსაჯულების წინაშე წარადგინონ ყველა კანონდამრღვევი პირი,“ - განაცხადა ოთარ კახიძემ.