სოფელ ბერშუეთთან, საოკუპაციო ხაზღან აქცია ლოზუნგით - არა ოკუპაციას! გაიმართა. რომელში მონაწილეობაც პოლიტიკური პარტიების წარმომადგენლებმაც მიიღეს, ისინი ხელისუფლებას უმოქმედობაში ადანაშაულებენ. ოპოზიციას საქართველოს იუსტიციის მინისტრი თეა წულუკიანი პასუხობს:

„მთავრობა, რომელიც ქვეყანას ჰყავს 2012 წლის 25 ოქტომბრიდან, არის ის მთავრობა, რომელმაც უპრეცენდენტო ძალისხმევა განახორციელა იმისთვის, რომ პასუხისმგებლიანი მთავრობა ყოფილიყო, რომ ოკუპაციის წინააღმდეგ საერთაშორისო ძალისხმევა კიდევ უფრო გაეერთიანებინა და გაეძლიერებინა და მეორეს მხრივ ყოფილიყო მთელი მისი ქმედებები პასუხისმგებლიანი. ეს არის ის მთავრობა, რომელსაც არ დაუკარგავს დამატებითი ტერიტორიები, ეს არის მთავრობა, რომელმაც საერთაშორისო დონეზე შეძლო და კონსოლიდაცია გაუკეთა კიდევ უფრო მეტი რუსი ოკუპანტის ქმედებებს, ეს არის მთავრობა, რომელმაც ამ ქვეყანაში, მას შემდეგ რაც მოვიდა ხელისუფლებაში უზრუნველყო მშვიდობა და სტაბილურობა“, - განაცხადა თეა წულუკიანმა.