ალაზნის სარწყავ არხში დამხრჩვალი 57 წლის მამაკაცის ცხედარი მაშველებმა იპოვეს, ცხედარს დღეს დილიდან ეძებდნენ. სამძებრო სამუშაოებს კახეთის რეგიონის მაშველთა ჯგუფი ახორციელებდა.

მამაკაცთან ერთად სარწყავ არხში 6 წლის ბავშვიც დაიხრჩო, 57 წლის მამაკაცის შვილის ცხედარს დღეს დილით სოფელ ვეჯინთან მიაკვლიეს. როგორც ცნობილია მამაკაცი გურჯაანის ფერმაში მწყემსად მუშაობდა. ისინი მდინარეში საბანაოდ შევიდნენ, თუმცა, ნაპირზე გამოსვლა ვეღარ შეძლეს.

მომხდარზე გამოძიება საქართველოს სისხლის სამართლის კოდექსის 115-ე მუხლით მიმდინარეობს, რაც პირის თვითმკვლელობამდე მიყვანას გულისხმობს.