მცოცავი ოკუპაცია და რუსეთის მიერ საქართველოს ანექსია - თავდაცვის მინისტრის ლევან იზორიას განცხადებით მიზანშეწონილი არ არის რუსეთთან პირდაპირი დიალოგი, რადგან არ არსებობს კონკრეტული ქმედებები, რომლებიც მიმართულია ქვეყნის დეოკუპაციისკენ:

„ჩვენ არ ვთვლით მიზანშეწონილად პირდაპირ დიალოგს რუსეთთან, რადგან ვერ ვხედავთ კონკრეტულ ქმედებებს, რომელიც მიმართულია ჩვენი ქვეყნის დეოკუპაციისკენ. წელს წარვადგინეთ სტრატეგიული მიმოხილვის დოკუმენტი, რომლის პირველი ნაწილი საფრთხეების ანალიზს ეხება და ბუნებრივია, მთავარი საფრთხე, რომელიც ქვეყანას გააჩნია, მომდინარეობს ოკუპირებული ტერიტორიებიდან. შესაბამისად, ეს საფრთხე არის რეალური, მით უფრო, როდესაც იქ წარმოდგენილია რუსული სამხედრო ნაწილები. იცით, რომ დაახლოებით 10 ათას სამხედრო მოსამსახურეზეა საუბარი, ასევე თანამედროვე რუსული ტექნიკა, რაც გვაძლევს საფუძველს ვიფიქროთ, რომ საფრთხე არის რეალური და ყველაფერი უნდა გავაკეთოთ ამ საფრთხის შეკავების მიზნით“,- აღნიშნა მინისტრმა.