საქართველოს მესამე პრეზიდენტის მიხეილ სააკაშვილის განცხადებით, ის პუტინს ოცნებას ვერ აუსრულებს და ივანიშვილის პროკურატურას ჩვენებას არ მისცემს.

ამის შესახებ სააკაშვილმა ერთ-ერთი მოქალაქის კითხვის საპასუხოდ განაცხადა, რომელიც დაინტერესდა, რატომ გაურბის ყოფილი პრეზიდენტი სამართლებრივ შეკითხვებს.

მისი თქმით, საქართველოში ქურდული კანონები ამოქმედდა. კრიმინალებმა ციხეები დატოვეს, სამშობლოსთვის მებრძოლები კი საზღვარგარეთ მძღოლებად მუშაობენ.

"შორს ვიქნები ივანიშვილის პროკურატურისგან, თუმცა ახლოს ვიქნები როცა ქართველი ხალხი დამიძახებს. რომელ კანონზე საუბრობთ? - ვინმეს გახსოვთ ვანო მერაბიშვილი და ბაჩო ახალაია რა მუხლით სხედან, დავანებოთ თავი იმას ვინ უნდა იჯდეს? იმიტომ სხედან რომ ასე უნდოდა ივანიშვილს რატომ გამოუშვეს უგულავა? - სანამ დედა არ შემაგინა არ გამოუშვეს, ხომ იცით ქურდს შეაგინეს პრინციპი, შეაგინე - გამოდი. მათი აზროვნება არის ქურდული. მათი კანონები არის ქურდული. არ ვაპირებ თავი გაუყადრო ივანიშვილს, კიარა​​და პუტინს, რომელმაც თქვა, რომ ქართველები თვითონ გაასამართლებენ სააკაშვილსო და ამას ივანიშვილი ასრულებს. მე ნამდვილად არ ავუსრულებ ამ ოცნებას პუტინს"- აღნიშნა სააკაშვილმა.