,,ქართული მარში", ოჯახის განმარტება და რუსული გავლენები - სააკაშვილი საკოსნტიტუციო ცვლილებებზე

პოლიტიკა - 23:38, 11 Jul, 2017

2553

საქართველოს მესამე პრეზიდენტი, მიხეილ სააკაშვილი, მიწის გასხვისების საკითხზე, სახელისუფლებო ინიციატივას უარყოფითად აფასებს.

სააკაშვილის შეფასებით, აღნიშნული ჩანაწერიც რუსული გავლენის შედეგია. სააკასვილი "ქართულ ოცნებას" შეახსენებს, რომ ტურიზმი ქვეყნის შემოსავლების ერთ-ერთი მთავარი წყაროა.

„უცხოელები დაარსებენ ქართულ ფირმას, ქართველების მეშვეობით შემოვლენ და ჩვეულებრივ იყიდიან, თუ მოინდომეს. ეს თავის მოტყუებაა და იქნება კორუფციის დამატებითი წყარო,“ - განაცხადა მიხეილ სააკაშვილმა.

მისი თქმით, ე.წ. ქართული მარში რუსული პროექტის ანალოგია და მისი ორგანიზების უკან სწორედ რუსული ინტერესები დგას.

მიხეილ სააკაშვილმა, არჩევანის პირდაპირ ეთერში კონსტიტუციაში ოჯახის განმარტების შესახებ ჩანაწერის თაობაზეც ისაუბრა.

სააკაშილის აზრით, მამრთველი გუნდის მთავარი მიზანი ხალხის ყურადღების უმნიშვნელო საკითხებზე გადაატანაა.

„მათთვის მთავარია, ყურადღება გადაატანინონ ათასგვარ სხვა თემაზე, გარდა იმისა, რომ ხალხმა იფიქროს მთავარ რაღაცეებზე მოდით, ვილაპარაკოთ კონსტიტუციაში ოჯახის ჩანაწერზე, მოდით, ვილაპარაკოთ უცხოელების წინააღმდეგ ქართულ მარშზე... ეს არის და ეს,“ - განაცხადა მიხეილ სააკაშვილმა.