,,შემცირდა შემოსავლები და საშუალო ხელფასი, ფასები კი გაიზარდა... გიშველათ მილიარდერმა?"- მიხეილ სააკაშვილი

პოლიტიკა - 23:28, 11 Jul, 2017

1787

საქართველოს მესამე პრეზიდენტმა მიხეილ სააკაშვილმა ტელეკომპანია „რუსთავი 2”-ის გადაცემა "არჩევანში" "ქართული ოცნების" ხელისუფლების პირობებში საქართველოში არსებული ეკონომიკური გარემო განიხილა. სააკააშვილის განცხადებით, "საქართველო ჯერ დაპაუზდა და შემდეგ უკან გადახვევა დაიწყო,". ყოფილი პრეზიდენტი ამბობს, რომ 2012 წელს თითქმის 16 მილიარდის ოდენობის ბიუჯეტი დატოვა. 4 წლის თავზე კი ეს მაჩვენებელი მილიარდნახევარი დოლარით შემცირდა. „ჩვენ 2012 წელს თითქმის 16 მილიარდის ოდენობის ბიუჯეტი დავტოვეთ. 4 წლის თავზე ეს შემცირდა შემცირდა მილიარდნახევარი დოლარით. ე.ი. საქართველომ საგრძნობლად უკან დაიხია. ამათ საშინაო ვალი 2, ხოლო საგარეო ვალი ერთი მილიარდი ლარით გაზარდეს. ჩვენ ვალს რომ ვიღებდით, ეკონომიკაში ვდებდით და შემდეგ ვიხდიდით, ესენი კი თვითონ ირიგებენ და ნაცნობობაში ხარჯავენ ფულს. მსოფლიო ბანკის მონაცემებით, სიღარიბის მაჩვენებელი 50-დან 20 %-ზე ჩამოვიდა. დღეს საქართველოში 69 % ღარიბი და 24 პროცენტი - სიღარიბესთან ახლოს. საქართველო ჯერ დაპაუზდა და შემდეგ უკან გადახვევა დაიწყო. შემცირდა შემოსავლები და საშუალო ხელფასი, ფასები კი გაიზარდა... გიშველათ მილიარდერმა?“ - განაცხადა მიხეილ სააკაშვილმა.