"ხომ მოიყვანეთ მილიარდერი, გეშველათ?“ - რატომ არ დააპატიმრეს ივანიშვილი

პოლიტიკა - 22:58, 11 Jul, 2017

16689

მიხეილ სააკაშვილი აცხადებს, რომ 2012 წელს მას ჰქონდა რესურსი, რომ ყოფილი პრეზიდენტი, როგორც უცხო ქვეყნის მოქალაქე ქვეყნიდან გაესახლებინა, რადგან მას რუსეთი აფინანსებდა.

„ჩვენ გვქონდა რესურსი, რომ ივანიშვილი, როგორც უცხო ქვეყნის მოქალაქე, გაგვესახლებინა ქვეყნიდან, რა გზასაც მან მიმართა ჩემ მიმართ. ან დაგვეპატიმრებინა, მასთან მიმართებაში 100-ჯერ მეტი საფუძველი არსებობდა,“ - განაცხადა მიხეილ სააკაშვილმა და დასძინა, რომ მან ხალხის არჩევანს პატივი სცა.

საქართველოს მესამე პრეზიდენტმა უმრავლესობაში და ხელისუფლებაში მყოფი პირები ღიად გააკრიტიკა და თქვა, რომ "საქართველოში არის ერთი რუსი ოლიგარქი რომელსაც პასუხისმგებლობა არა აქვს".

საკონსტიტუციო ცვლილებებზე საუბრისას სააკაშვილმა თქვა, რომ საქართველოში ყველა ცვლილება ბიძინა ივანიშვილის ინტერესებზეა მორგებული.

"ხომ მოიყვანეთ მილიარდერი, გეშველათ? მილიარდერი იმიტომაა მილიარდერი, რომ ყოველთვის თავისთვის უნდა დიდი ფული"- თქვა მიხეილ სააკაშვილმა "არჩევანში" და ივანიშვილი მისი ბიზნესის გაფართოებით დაკავებაში დაადანაშაულა.

სააკაშვილმა კიდევ ერთხელ განმარტა, რომ საქართველოს ომის თავიდან აცილების შესაძლებლობა არ ჰქონდა.

,,2008 წელს რაც ვერ აისრულა რუსეთმა, ის აისრულა 2012 წელს"-აცხადებს სააკაშვილი.