,,საქართველოში არ არის ხელისუფლება, ყველაფერს მართავს რუსი ოლიგარქის ბოღმა“

,,საქართველოში არ არის ხელისუფლება, ყველაფერს მართავს რუსი ოლიგარქის ბოღმა“ - სააკაშვილი

პოლიტიკა - 22:48, 11 Jul, 2017

3404

საქართველოს მესამე პრეზიდენტი მიხეილ სააკაშვილი აცხადებს, რომ საქართველოში ერთი ოლიგარქის მიერ იმართება, რომლის „ბოღმა მართავს ყველაფერს“.

„საქართველოში არ არის ხელისუფლება, არის ერთი რუსი ოლიგარქი, რომელიც სადღაც ზის თუ წევს და დივანზე თუ ტახტზე წამოწილილი ირგებს ხან მინისტრის, ხან მერის ნიღბებს, სინამდვილეში კი მისი ნება მართავს ყველაფერს, ნება კი არა, ბოღმა“, - აღნიშნა მიხეილ სააკაშვილმა.

საქართველოს მესამე პრეზიდენტი 2012 წლის პარლამენტის არჩევნებზე საუბრისას აღნიშნავს, რომ ყოფილ ხელისუფლებას დიდი შანსი ჰქონდა არჩევნები მოეგო. მეტიც სააკაშვილმა წლების მერე ღია ეთერში თქვა, რომ ივანიშვილის განეიტრალება შეეძლო.

„რუსეთმა მიაღწია სტრატეგიულ მიზნებს არა 2008, როცა რუსეთმა ვერ გაიმარჯვა, რუსეთმა გაიმარჯვა საქართველოში 2012-ში, არჩევნების გზით, მაგრამ არჩევნებს წინ უძღოდა ბავშვის მკვლელობა, არჩევნებს წინ უძღოდა დადგმული ციხის კადრები,“ - განაცხადა მიხეილ სააკაშვილმა.

მისი თქმით, 2008 წელს ის გადადგა, ხალხს მისცა პრეზიდენტის სასახლის გასაღები და უთხრა, რომ მათ უნდა დააბრუნონ სასახლეში:

„მე ორჯერ წავედი, მათ შორის, 2008 წელსაც და ხალხის ნებას დავემორჩილე, ვუთხარი მას, რომ თუ უნდათ, დავბრუნდე სასახლეში პრეზიდენტად, მათ უნდა ამირჩიონ“- განაცხადა სააკაშვილმა.

ქვეყნის მესამე პრეზიდენტმა კატეგორიულად უარყო ოპონენტების განცხადება იმის შესახებ, რომ 2008 წლის არჩევნები გააყალბა.

„გამორიცხულია... არჩევნები კი არ გაყალბდა, არამედ დიდი გაჭირვებით, მოვიგეთ... რა გაყალბდა, "გრეჩიხამ" მოგვიგო მაშინ თუ პატარკაციშვილმა„- თქვა მან.