ევროკავშირის ელჩი საქართველოში იანოშ ჰერმანი მცოცავი ოკუპაციის საკითხს ეხმაურება. მისი თქმით, ევროკავშირი ყველგან აფიქსირებს საქართველოს ტერიტორიული მთლიანობისა და სუვერენიტეტის მიმართ მხარდაჭერას:

„ვგმობთ ბორდერიზაციისკენ გადაგმულ თითოეულ ნაბიჯს, რის გამოც პრობლემა ექმნება ამ ტერიტორიაზე მცხოვრებ თითოეულ მოსახლეს, რაც ეწინააღმდეგება კომფლიქტის მშვიდობიანი გზით მოგვარების რეზოლუციას. სიტუაციის გათვალისწინებით, მსურს ხაზი გავუსვა იმას, რომ ევროკავშირი ყველგან აფიქსირებს საქართველოს ტერიტორიული მთლიანობისა და სუვერენიტეტის მიმართ მხარდაჭერას“, - აცხადებს იანოშ ჰერმანი.