კახიშვილი სასჯელაღსრულების ტენდერებში კორუფციას უარყოფს და ბაჯელიძის წინააღმდეგ სარჩელი შეაქვს

პოლიტიკა - 19:50, 10 Jul, 2017

1629

სკანდალურ ინფორმაციასთან დაკავშირებით, რომლის თანახმადაც, სუს-ის უფროსის, ვახტანგ გომელაურის, ნათესავის კომპანიამ გამარტივებული წესით სასჯელაღსრულების უწყებისგან მილიონ-ნახევრის ანაზღაურება მიიღო, სასჯელაღსრულების მინისტრმა სპეციალური ბრიფინგი გამართა.

კახი კახიშვილი კატეგორიულად უარყოფს უწყების მიერ გამოცხადებულ ტენდერებში რაიმე კორუფციულ გარიგებას. მისი თქმით ორგანიზაცია „შეაჩერე კორუფციის“ დამფუძნებელს გიორგი ბაჯელიძეს, რომელმაც სასჯელაღსრულების უწყება კორუფციულ გარიგებებში დაადანაშაულა, სასამართლოს წინაშე მოუწევს წარდგენა დეზინფორმაციის გავრცელებისთვის:

„ეს არის ევროკავშირის რეკომენდაციები სასჯელაღსრულების უწყებისთვის, რათა მოხდეს ბიზნესის ინტერესების დაცვა, რომ რაც შეიძლება მეტი საწარმო გაიხსნას სამინისტროში და პატიმრები დასაქმდნენ. ზუსტად ამ მიზნით გამოცხადდა ღია კონკურესები და არა დახურული, როგორც ამ განცხადების ზოგზოგიერთი ავტორი იყო მიჩვეული თავის დროზე, როდესაც მუშაობდა შესყიდვებში და კონვერტებით უგზავნიდა წინადადებებს. სახელმწიფო შესყიდვების სააგენტოს ვებგვერდზე იყო წინადადებები გამოქვეყნებული კონკურესთან დაკავშირებით. ყველა ის კომპანია, რომელიც შემოვიდა, იხდის გადასახადებს ჩვენს დაწესებულებებში მიწით სარგებლობისთვის, ვალდებულებებში აქვს ინვესტიციების ჩადება, მაგალითად, ერთ-ერთ კომპანიას ჩადებული აქვს 300 000 ლარი და ასევე პატიმრების დასაქმება. კომპანია „ნილს“ ერთი დღეც არ ჰქონია სასჯელასღსრულების სამინისტროში კვების ტენდერთან შეხება. კომპანია „ნილი“ 30 დეკემბერს ტენდერში მონაწილეობდა, მაგრამ მან ტენდერი წააგო და ამის შემდეგ აღნიშნულ კომპნიასთან სამინისტროს არანაირი ურთიერთობა არ ჰქონია. ორგანიზაციამ ევროკავშირის გრანტით შეიძინა სპეციალური ხელსაწყოები და ქალთა დაწესებულებაში შექმნეს სამკერვალო ფაბრიკა, სადაც ქალბატონებს კერვა ასწავლეს და ისინი ევროკავშირის გრანტით ფინანსებოდნენ. მას შემდეგ, როდესაც გრანტის ვადა გავიდა, ეს საწარმო ადგილზე დარჩა, ბუნებრივია, მათ გამოთქვეს სურვილი, რომ მონაწილეობა მიეღოთ ციხის ტენდერებში. სამინისტროს გვაქვს მთავრობისგან ნებართვა, რომ პირდაპირი წესით შევისყიდოთ ციხეში დამზადებული პროდუქცია, მაგრამ იმ შემთხვევაში, თუ ფასი საბითუმოს არ აღემატება, თუმცა, ასევე იყო შემთხვევები, როცა ჩვენ მათგან ვერ შევისყიდეთ პროდუქცია, ვინაიდან მათი ფასი იყო უფრო მაღალი.

ასეთი შეგნებული დეზინფორმაცია, აუცილებლად დასრულდება ბაჯელიძის სასამართლოში გამოცხადებით, ჩვენ ხვალ დილის საათებში შევიტანთ საჩივარს. მე ასევე მივმართავ პროკურატურას, ვინაიდან გაკეთდა განცხადებები კორუფციულ ფაქტებთან დაკავშირებით და ეს რა თქმა უნდა მიოცავს სისხლის სამართლის საქმის ნიშნებს, დაიწყონ გამოძიება, დიაბარონ ბაჯელიძე და გააფრთხილონ ცრუ დასმენასთან დაკავშირებით. თუ მისი განცხადებები არ დასრულდება ბრალის დადასტურებით, მაშინ მას მოუწევს ბრალის აღიარება ცრუ დასმენის გამო, სხვათა შორის ამისთვის სანქციაა საზოგადოებისთვის სასარგებლო შრომა და იმედს ვიტოვებ, რომ ზოგიერთი გამოსწორდება ამის შემდეგ.“- განაცხადა კახი კახიშვილმა.

მისი თქმით პატიმრების კვებასთან დაკავშირებული საკითხების გასაიდუმლოება, უწყების ინნიციატივა იყო. ვინაიდან შეუმოწმებელი კომპანიების უწყებაში შეშვების შემდეგ შესაძლოა ადგილი ქონოდა პატიმრების შეგნებულ მოწამვლას და ამით ქვეყანაში დესტაბილიზაციის გამოწვევას. სწორედ ამიტომ სასჯელაღსრულებამ ისეთ კომპანიებთან თანამშრომლობს, რომელიც შემოწმებულია და სახელმწიფო საიდუმლოებასთან წვდომის უფლება აქვთ.