კრაკოვში მსოფლიო მემეკვიდრეობის კომიტეტის რიგით 41-ე სესია გაიმართა, რომლის ფარგლებშიც მიღებულ იქნა გადაწყვეტილება, გელათის სამონასტრო კომპლექსის იუნესკოს ძირითად ძეგლთა ნუსხაში დარჩენის შესახებ. საქართველოს კულტურისა და ძეგლთა დაცვის მინისტრი აღნიშნულ გადაწყვეტილებას უპრეცენდენტოს უწოდებს:

„გელათის მსოფლიო მემკვიდრეობის ძირითად ნუსხაში დარჩენით, ძეგლების იუნესკოს ნუსხაში დაბრუნების ძალიან რთული და გრძელი გზა დასრულდა. ვგულისხმობ იმას, რომ შარშან მცხეთა დავაბრუნეთ ძირითად ნუსხაში და ამით შეიძლება ითქვას სირცხვილი, რომელსაც საფრთხის ქვეშ მყოფი ძეგლების ნუსხაში ყოფნის გამო განვიცდიდით, ჩამოვირეცხეთ. ახლა სამივე ძეგლი გვაქვს ძირითად ნუსხაში და ეს არის კიდევ ერთი წარმატება იუნესკოსთან ურთიერთობაში, რასაც ვულოცავ ყველას“,- განაცხადა გიორგაძემ.

გადაწყვეტილების თანახმად გელათის სამონასტრო კომპლექსი ძირითად ნუსხაში დარცა, თუმცა ძეგლის საზღვრების მნიშვნელოვანი მოდიფიკაციის შემდეგ, ავტომატურად ნუსხიდან ამოვარდა ბაგრატის ტაძარი.