,,ჩვენ ვერ ვიმოქმედებთ, ისე, როგორ ფიქრობს ერთი-ორი ექსპერტი ან ერთი-ორი ჩვენი ოპონენტი"

,,ჩვენ ვერ ვიმოქმედებთ, ისე, როგორ ფიქრობს ერთი-ორი ექსპერტი ან ერთი-ორი ჩვენი ოპონენტი" - აბაშიძე

პოლიტიკა - 16:25, 10 Jul, 2017

2255

საქართველოს პრემიერ-მინისტრის სპეციალური წარმომადგენლის ზურაბ აბაშიძის თქმით დასავლელი პარტნიორები საქართველოს რუსეთთან დიალოგის გაგრძელებას ურჩევენ. აღნიშნული განცხადება ზურაბ აბაშიძემ პრაღისა და ჟენევის ფორმატთან დაკავშირებით დასმული შეკითხვის პასუხად გააკეთა.

„ჩვენ დასავლელ პარტნიორებთან მუდმივი კონსულტაციები გვაქვს რუსეთთან დიალოგის საკითხზე, ჩვენ სპეციალურად ჩავედით ბრიუსელში, რათა მათი აზრი გაგვეგო და რჩევები მიგვეღო, მათ შორის იმაზეც, როგორ გავაგრძელოთ ეს დიალოგი, ან რა ფორმით. მათი მხრიდან მივიღეთ ასეთი რჩევა - გააგრძელეთ, აუცილებლად ეს დიალოგი. ეს ევროპის 28 ქვეყნის წარმომადგენელმა გვითხრა. ისინი ამას გვირჩევენ, ჩვენი რამდენიმე ოპონენტი კი საწინააღმდეგოს გვირჩევს. მე გეკითხებით, ვის დავუჯეროთ: საერთაშორისო თანამეგობრობას, ნატო-ს, ვაშინგტონის ადმინისტრაციას, ევროკავშირს, 28 ქვეყანას, ყველა, ვისაც ჭკუა მოეკითხება, თუ რამდენიმე ოპონენტს? ჩვენ ვართ პასუხისმგებელი სახელმწიფო, პასუხისმგებელი ხელისუფლება, ჩვენ პასუხს ვაგებთ ქვეყნის უსაფრთხოებაზე, სტაბილურობაზე, ასევე რეგიონის უსაფრთხოებაზე. ჩვენ ვერ ვიმოქმედებთ, ისე, როგორ ფიქრობს ერთი-ორი ექსპერტი ან ერთი-ორი ჩვენი ოპონენტი. განსაკუთრებით იმ ჯგუფიდან, რომელსაც ძალიან ცუდი გამოცდილება აქვს რუსეთთან ურთიერთობისა, განსაკუთრებით, 2008 წელი მაქვს მხედველობაში, მისი შედეგები ან მანამდე.“- განაცხადა ზურაბ აბაშიძემ.