,არცერთი მაღალი დონის განცხადებაში არ ყოფილა საუბარი საქართველოს ოკუპაციაზე“

,არცერთი მაღალი დონის განცხადებაში არ ყოფილა საუბარი საქართველოს ოკუპაციაზე“ - ბაქრაძე პრემიერს პასუხობს

პოლიტიკა - 13:25, 10 Jul, 2017

1358

ოკუპაციის საკითხი საქართველოში - პრემიერ-მინისტრ გიორგი კვირიკაშვილის განცხადებით, აღნიშნული თემა ნებისმიერ მნიშვნელოვან, საერთაშორისო დონის შეხვედრაზე პრიორიტეტულია. პრემიერის ამ საკითხთან მიმატებით, ოპოზიციას სიცრუის ტირაჟირებაში ადანაშაულებს.

„ევროპული საქართველოს“ ერთ-ერთი კლიდერი დავით ბაქრაძე ,,ნიუპოსტთან" აცხადებს, რომ უკანასკნელი რამდენიმე თვის განმავლობაში, არც ერთი მაღალი დონის განცხადებაში არ ყოფილა საუბარი საქართველოს ოკუპაციაზე და სწორედ ეს არის ხელისუფლების მუშაობის შედეგი:

„ბოლო რამდენიმე თვეა უკვე, არსად, არცერთი მაღალი დონის განცხადებაში არ ყოფილა საუბარი საქართველოს ოკუპაციაზე. აი ახლაც, ბოლო პერიოდში, ზედიზედ ჩვენ მოვისმინეთ ევროკავშირის პრეზიდენტის იუნკერის განცხადება, რომელმაც მკაფიოდ ილაპარაკა მხოლოდ აღმოსავლეთ უკრაინაზე და ყირიმზე. ჩვენ მოვისმინეთ პრეზიდენტ ტრამპის და მდივან, ტილერსონის განცხადებები, რომლებმაც ასევე ისაუბრეს მხოლოდ აღმოსავლეთ უკრაინაზე და ყირიმზე. ჩვენ მოვისმინეთ ჰამბურგში, დიდ ოცეულზე გაკეთებული განცხადებები, სადაც ისევ საუბარი იყო მხოლოდ უკრაინაზე. აი ეს არის ფაქტები და ეს არის ხელისუფლების მუშაობის შედეგი. რაში გამოიხატება მათი მუშაობა, თუ ჩვენი ყველა უცხოელი, მაღალი დონის პარტნიორი საჯაროდ საუბრობს მხოლოდ უკრაინაზე და არავინ არ ახსენებს საქართველოს? ამიტომ, ეს ფაქტები ძალიან ნათლად აჩვენებს იმას, თუ ვინ ჭორაობს. ძალიან ნათლად აჩვენებს იმას, თუ ვისზეა პასუხისმგებლობა. მიუხედავად იმისა, რომ იმ ნაწილში, სადაც რუსეთთან უნდა იყოს დიალოგი და არ უნდა ავყვეთ პროვოკაციას, რა თქმა უნდა, ვეთანხმებით, მეორე ნაწილში, სადაც საუბარია იმაზე, რომ საქართველომ არ უნდა დათმოს და პოლიტიკური საშუალებებით უნდა დაიცვას საკუთარი ინტერესი, აი ამ ნაწილში ჩვენ ხელისუფლებას რადიკალურად არ ვეთანხმებით და მიგვაჩნია, რომ ხელისუფლება, რეალურად, არაფერს არ აკეთებს საერთაშორისო დონეზე, დიპლომატიურ-პოლიტიკურ დონეზე საქართველოს ინტერესების დასაცავად.“- აცხადებს დავით ბაქრაძე.