,,ფიცი მწამს, ბოლო მაკვირვებს“ - ენმ პრემიერს ოკუპაციაზე ,,ოცნების“ ლიდერების განცხადებას ახსენებს

პოლიტიკა - 13:24, 10 Jul, 2017

1516

საქართველოს პრემიერ-მინისტრის გიორგი კვირიკაშვილის განცხადებით, საქართველოს ოკუპაცია ხელისუფლებისთვის ყველა შეხვედრაზე ნომერ პირველი საკითხია. კვირიკაშვილის თქმით, სწორედ რუსული ოკუპაცია იყო შეერთებული შტატების ვიცე პრეზიდენტთან შეხვედრაზე მთავარი განსახილველი თემა. გიორგი კვირიკაშვილი ამ საკითხთან მიმართებით ოპოზიციას ცრუ ბრალდებებში ადანაშაულებს.

როგორც „ერთიანი ნაციონალური მოძრაობის“ წევრმა ზაზა ბიბილაშვილმა „ნიუპოსტთან“ საუბრისას განაცხადა, პრემიერის განცხადება არადამაჯერებელია, რადგან საქართველოს საკითხი არცერთ საერთაშორისო დონეზე არ განიხილება:

„ამაზე იტყვიან ფიცი მწამს ბოლო მაკვირვებსო, „ქართული ოცნება“ მოვიდა იმ დაპირებით, რომ საქართველოს საკითხი უნდა გაეუქმებინა, როგორც მოლაპარაკების თემა დასავლეთსა და რუსეთს შორის, ხელისუფლებამ ეს გააკეთა. დღეს რომ პრიორიტეტულია ეს საკითხი არსაიდან არ ჩანს, ვინაიდან საქართველოზე საერთაშორისო ორგანიზაციები, ჩვენი მეგობარი ქვეყნები ღიად არ საუბრობენ, საუბრობენ უკრაინაზე, სირიაზე, ყველაფერზე საქართველოს გარდა. შესაბამისად საქართველოს პრემიერ-მინისტრის განცხადება იმასთან დაკავშრებით, რომ თითქოს ეს ნომერ პირველი პრიორიტეტია, უბრალოდ არადამაჯერებელია, განსაკუთრებით იმ კონტექსტში თუ გავიხსენებთ, რომ ოცნების ყველა ლიდერი ქვეყნის შიგნით იმის მაგივრად, რომ ამ საკითხი რეალური შეფასება მოახდინონ, ახდენს ამ საკითხის ტრივიალიზაციას, „გაპრავებას“ და სხვისთვის გადაბრალებას“, - განაცხადა ზაზა ბიბილაშვილმა.