,,მერიის ფაცი-ფუცი“ - ელისაშვილი გუდიაშვილზე წარმოებულ სამუშაოებს მის წარდგენას უკავშირებს

პოლიტიკა - 12:45, 10 Jul, 2017

2200

დამოუკიდებელი დეპუტატი ალეკო ელისაშვილი აცხადებს, რომ გუდიაშვილის ქუჩაზე ხვალინდელ მის წარდგენას თბილისის მერიამ სარეაბილიტაციო სამუშაოები დაუმთხვია.
როგორც ელისაშვილი განმარტავს მერიამ "ფაცი-ფუცი" მას შემდეგ დაიწყო, რაც გავრცელდა ინფორმაცია, რომ მისი წარდგენა სწორედ ამ მოედანზე მოხდებოდა, რომელიც ბოლო სამი წელია გადათხრილია. ელისაშვილის აღნიშნავს, რომ სამუშაობის წარმოების მიუხედავად მისი წარდგენა ხვალ მიანც მოხდება.

"ბოლო სამი წელია გადათხრილია და მიგდებული ეს მოედანი, გველები და ვირთხებით გაივსო... მას შემდეგ, რაც განცხადება გავაკეთე, ფორსირებულ რეჟიმში, ღამით დაიწყეს ასფალტის დაგება. ასფალტს უხარისხოდ დააგებენ და ალბათ პრეზენტაციის შემდეგ აიყრება. შენობების რეაბილიტაციას როგორ მოასწრებენ საინტერესოა?! ძალიან სასაცილოები არიან, ვაპირებ ვთქვა, რომ გუდიაშვილზე არ ვაპირებ პრეზენტაციას და ისეთ უბანს დავასახელებ, სადამ მძიმე მდგომარეობაა და ასე შემდეგ..."- განაცხადა ელისაშვილმა.

დამოუკიდებელი დეპუტატის ალეკო ელისაშვილის ბრალდებას თბილისის მერი დავით ნარმანია უარყოფს და აღნიშნავს, რომ სამუშაობის წარმოებასთან წარდგენას არანაირი კავშირი არ აქვს.

„გუდიაშილის ქუჩაზე წინამოსამზადებელ სამუშაობეს აწარმოებდა თბილისის განვითარების ფონდი და გულისხმობს მიწიქვეშა კომუნიკაციების გამოცვლას და სამუშაოები დასრულდა და ახლა კეთილმოწყობის სამუშაოები დაიწყო რათა ხელიშეეწყოს ამ უბნის განვითარებას ასე, რომ ჩვენ გეგმაზომიერად მივყვებით გუდიაშვილის ქუჩაზე წარმოებულ სამუშაობს და ამას ელისაშვილის წარდგენასთან ამას არანაირი კავშირი არ აქვს“- განაცხადა თბილისის მერმა დავით ნარმანიამ.