„ნაციონალურმა მოძრაობამ“ აფხაზეთის რეგიონალური ორგანიზაცია დააფუძნა

პოლიტიკა - 14:58, 08 Jul, 2017

2409

„ნაციონალური მოძრაობა“ აფხაზეთის რეგიონალურ ორგანიზაციას აფუძნებს. როგორც პარტიაში აცხადებენ, ორგანიზაციის მთავარი მიზანი დევნილთა უფლებებზე მუშაობა, დევნილების უფლებების დაცვა და ქვეყნის ერთიანობისთვის ბრძოლა იქნება.

ორგანიზაციის თავმჯდომარედ ბესო შენგელია დასახელდა. დღესვე დაფუძნდა ორგანიზაციის პოლიტსაბჭო.

„ორგანიზაციის მთავარი მესიჯია განახლებული „ნაციონალური მოძრაობა“ 20 იანვრის მერე. ზუსტად ეს არის „ნაციონალური მოძრაობა“, რომელიც ჩამოყალიბდა, გატარდა რეფორმები, რომელმაც მოგვცა იმის შესაძლებლობა, რომ შევქმნათ ძალიან ძლიერი, ათეულობით ათასი ადამიანით გაერთიანებული აფხაზეთის, რეგიონალური ორგანიზაცია, რომელიც იმუშავებს დევნილთა პრობლემატიკაზე. პარტიაში ძალიან ბევრი დევნილია გაერთიანებული სხვადასხვა კუთხიდან, რომლებიც დღეს აქ არიან წარმოდგენილნი. ცალსახად ვაცხადებთ, რომ „ერთიანი ნაციონალური მოძრაობის“ აფხაზეთის რეგიონალური ორგანიზაცია იქნება ერთ-ერთი მთავარი ძალა ივანიშვილის რეჟიმის დასასრულებლად საქართველოში. ჩვენ ვიზრუნებთ, დავიცავთ დევნილთა უფლებებს და ვაცხადებთ, რომ დამოუკიდებლობა აფხაზეთის გარეშე კოჭლია და ვიბრძოლებთ საქართველოს დამოუკიდებლობისა და მთლიანობისთვის", - განაცხადა ბესო შენგელიამ.

პარტიის რეგიონული წარმომადგენლებს სიტყვით მიმართა მიხეილ სააკაშვილმაც.