რუსეთის საგარეო საქმეთა მინისტრის მოადგილის გრიგორი კარასინი თვლის რომ უსაფრთხოების საკითხები განხილბა პრაღის ფორმატში არ უნდა მოხდეს, რადგან ამისთვის სპეციალურად ჟენევის მოლაპარაკებების ფორმატია შექმნილი. აღნიშნული განცხადება კარასინმა პრაღაში, საქართველოს პრემიერ-მინისტრის სპეციალური წარმომადგენლთან ზურაბ აბაშიძესთან შეხვედრის შემდეგ გააკეთა:

„სამხრეთ კავკასიაში მიმდინარე პროცესებზე და უსაფრთხოების საკითხებზე ჟენევაში უნდა ვისაუბროთ მაგრამ უნდა აღინიშნოს ისიც, რომ ჩემი და აბაშიძის შეხვედრის წინ ყოველთვის იძაბება სიტუაცია. ვინ ძაბავს კონკრეტულ გვარებს და სახელებს არ დავასახელებ, ეს არის ძალები, რომელთაც არ სურთ ჩვენ შორის ურთიერთობის ნორმალიზება. თქვენ იცით მათ შესახებ. ან სკანდალს აწყობენ, ან ვიღაც მიჰყავთ საზღვარზე და აკეთებენ განცხადებებს. ეს აჩვენებს, რომ ყველას ინტერესში არ შედის, რომ ურთიერთობები განვითარდეს“- განაცხადა კარასინმა.