ზაალ უდუმაშვილის საარჩევნო შტაბს გრიგოლ ვაშაძე უხელმძღვანელებს

პოლიტიკა - 13:20, 07 Jul, 2017

1696

„ნაციონალური მოძრაობის“ თბილისის მერობის კანდიდატის ზაალ უდუმაშვილის საარჩევნო შტაბს საგარეო საქმეთა ყოფილი მინისტრი გრიგოლ ვაშაძე უხელმძღვანელებს.

როგორც უდუმაშვილმა რუსთაველის გამზირზე საარჩევნო შტაბი ოფიციალურად გახსნზე აღნიშნა, მისთვის დიდი პატივია, რომ ყოფილი მაღალჩინოსანი შემოთავაზებას დასთანხმდა.

მისი თქმით, ზაალ უდუმაშვილის გამარჯვებისთვის ბრძოლა დღეიდან დაიწყო.

"დიდი პატივია ის ფუნქცია, რაც მე პარტიამ დამავალა. შტაბის გახსნა ნიშნავს იმას, რომ „ნაციონალური მოძრაობა“ შედის საარჩევნო კამპაიაში იმისთვის, რომ ღირსეულმა კანდიდატმა, ღირსეულმა თბილისელმა, ღირსეულმა პროფესიონალმა გაიმარჯვოს. ამ ადამიანმა, პირადი კეთილდღეობა გადადო და მშობლიური ქალაქის პრობლემების გადაწყვეტაში მონაწილეობა გადფაწყვიტა, ზალიკო უდუმაშვილის გამარჯვებისთვის ბრძოლა იწყება"- განაცხადა ვაშაძემ.

ვაშაძის განცხადებით, რუსთაველის 19 ნომერში გახსნილი შტაბი ცენტრალური ადგილი იქნება ენმ-ს ყველა ჩმაჟორიტარისთვის.

"ამიტომ მოქალაქეებს ვთხოვ მობრძანდით, ჩვენი კარები ყოველთვის გახსნილი იქნება. ვისაც მობეზრდა ნეპოტიზმი, ეკონომიკური უკუსვლა კორუფცია, უძრაობა, დაპირებები, რომლებიც ვერ შესრულდება, იმიტომ რომ დილეტანტების მიერ არის გაცემული, ვისაც სურს, რომ თბილისის სათავეში იდგეს ადამიანი, ვისაც ზურგზე არც კლანური, არც პარტიული, არც პოლიტიკური ნეგატიური ბარგი არ აქვს აკიდებული, ვისაც მობეზრდა იმ მინდორზე ცხოვრება, რომელიც ენძელებით არის მოფენილი და გუგულები და გედები ბუდობენ, ის ხმას მისცემს ზალიკო უდუმაშვილს“ - დასძინა მან.