ინდოელი ბიზნესმენი, რომელიც საქართველოში უკვე ორჯერ არ შემოუშვეს, საგარეო უწყების შემდეგ განმარტებას ახლა უკვე პრეზიდენტისგან ითხოვს. აკბარ ქუშერი ადვოკატის მეშეობით გიორგი მარგველაშვილს განცხადებით მიმართავს. ამასთანავე ქუშერი საქართველოს ბიზნეს საზოგადოებას მხარდაჭერას სთხოვს და აცხადებს, რომ მსგავსი ინციდენტები უარყოფითი გავლენას მოახდენს უცხოური ინვესტიციების მოზიდვაზე.

როგორც „ნიუპოსტს“ პრეზიდენტის ადმინისტრაციაში განუცხადეს, ჯერჯერობით შესაბამისი განცხადება მათთან არ შესულა, ხოლო იმ შემტხვევაში თუ ასეთი განცხადება ადმინისტრაციაში შევა, მისი შესწავლა აუცილებლად მოხდება.