საზღვრიდან 2-ჯერ გაძევებული ინდოელი ბიზნესმენი განმარტებებს პრეზიდენტისგან ითხოვს

პოლიტიკა - 10:36, 07 Jul, 2017

2963

ინდოელი ბიზნესმენი, რომელიც საქართველოში უკვე ორჯერ არ შემოუშვეს, საგარეო უწყების შემდეგ განმარტებას ახლა უკვე პრეზიდენტისგან ითხოვს. აკბარ ქუშერი ადვოკატის მეშეობით გიორგი მარგველაშვილს განცხადებით მიმართავს. ამასთანავე ქუშერი საქართველოს ბიზნეს საზოგადოებას მხარდაჭერას სთხოვს და აცხადებს, რომ მსგავსი ინციდენტები უარყოფითი გავლენას მოახდენს უცხოური ინვესტიციების მოზიდვაზე:

"ინფორმაცია, რომელსაც შესაძლოა ქართული მხარე საჭიროებს, მოპოვებული მაქვს. ეს არის დოკუმენტაცია ჩემი საქმინობისა და საქართველოსთან ჩემი კავშირების შესახებ და მოიცავს ინფორმაციას საქართველოში ჩემი ვიზიტების თარიღების, შეხვედრებისა და ჩემი პირადი საკუთრებების შესახებ. ყველა პირადი დოკუმენტი უკვე ნათარგმნია ქართულად. ველოდები, რომ ვინმე შეისწავლის ჩემს მიერ შეგროვებულ დოკუმენტაციას და ნახავს, რომ არასდროს ჩამიდენია არასწორი ქმედება. საქართველოს ბიზნეს საზოგადოებას მხარდაჭერას ვთხოვ. მსგავს ინციდენტებს უარყოფითი გავლენა აქვს უცხოური ინვესტიციების მოზიდვაზე. თუ მსგავსი რამ შეიძლება შეემთხვას ისეთ ადამიანს, რომელიც საქართველოში ინვესტირებას ახდენს, იგივე პრობლემის წინაშე შეიძლება ნებისმიერი ადამიანი დადგეს." - განაცხადა ქურეშმა.

ამ დროისთვის ჯერ უცნობია, რა მიზეზით ეთქვა ინდოელ ბიზნესმენს საქართველოში შემოსვლაზე უარი 2-ჯერ.