„ქართულმა ოცნებამ" საკონსტიტუციო პროცესი შეიყვანა, პოლიტიკურ ჩიხში"

„ქართულმა ოცნებამ" საკონსტიტუციო პროცესი შეიყვანა, პოლიტიკურ ჩიხში" - გიგა ბოკერია

პოლიტიკა - 17:21, 06 Jul, 2017

1273

„ევროპული საქართველოს“ წევრი გიგა ბოკერია საკონსტიტუციო ცვლილებების გარშემო კონსენსუსის შესაძლებლობის შესახებ საუბრობს და აღნიშნავს, რომ „ქართულმა ოცნებამ“ საკონსტიტუციო პროცესი პოლიტიკურ ჩიხში შეიყვანა.

"ივანიშვილის გუნდმა „ქართულმა ოცნებამ’’ საკონსტიტუციო პროცესი შეიყვანა, პოლიტიკურ ჩიხში. ჩვენ გვაქვს პოლიტიკური კრიზისი, ერთ მხარეს არის მმართველი პარტია, მეორე მხარეს არის მთელი პოლიტიკური სპექტრი და სამოქალაქო საზოგადოება, მათ უარი თქვეს პლებისციტის ჩატარებაზე , ჩვენს წინადადებაზე ევროპული საქართველოსი, რაც ერთადერთი დემოკრატიული გზა, არის ასეთი უთანხმოების გადაწყვეტისა, ხალხისთვის კითხვა. მათ აქვთ , ძალიან საერთაშორისო პრობლემა, ეხლა ვიყავით სტრასბურგში, სადაც ყველა პოლიტიკური ჯგუფის წარმომადგენელი, ყველა მეგობარი საქართველოსი, ღიად გვეუბნება,რომ მათ უნდა ეძიონ კონსენსუსი და ამის გარეშე ერთი პარტიის მხრიდან, კონსტიტუციის შეცვლა არ შეიძლება. შინაარსის მიუხედავადაც კი, ეს საზიანოა ქართული დემოკრატიისთვის და ჩვენი ქვეყნის სტაბილურობისთვის. ეხლა ბურთი არის მათ მოედანზე, ისინი არაფორმალურად ჩვენს პარტნიორებს ეუბნებიან,რომ სურთ კონსენსუსი, თუმცა რელურად ნაბიჯებს არ დგავენ და მიიღეს კონსტიტუცია ცალმხრივად ერთი პარტიის მიერ, მათ დაარღვიეს თავის პირობა და გადააგდეს ხალხი. თუ კი ხელისუფლებას ახალი წინადადება აქვს, ეს პროექტი უნდა გამოიწვიონ და შემდეგ ჩვენ ოპოზიციური პარტიები ვიმსჯელებთ, სად შეიძლება იყოს კონსენსუსი”- განაცხადა ბოკერიამ.