,,ნუთუ ვერ გაიგეთ, რომ მოსკოვისთვის თქვენთან მოლაპარაკებები არის მხოლოდ შირმა“

,,ნუთუ ვერ გაიგეთ, რომ მოსკოვისთვის თქვენთან მოლაპარაკებები არის მხოლოდ შირმა“ - ენმ-ს წევრები საოკუპაციო ხაზთან ჩავიდნენ

პოლიტიკა - 13:14, 06 Jul, 2017

8809

სოფელ ორჭოსანთან გამავალ საოკუპაციო ხაზთან, სადაც ე.წ საზღვრის აღმნიშვნელი რუსული ბანერი ავტობანიდან მხოლოდ 450 კმ-ითაა დაშორებული , დღეს „ნაციონალური მოძრაობის“ წევრები და ენმ-ს თბილისის მერობის კანდიდატი ზაალ უდუმაშვილი იმყოფებოდნენ, ისინი არსებულ ვითარებას ადგილზევე გაეცნენ.

როგორც პარტიის მერობის კანდიდატმა ზალიკო უდუმაშვილმა აღნიშნა, მდგომარეობა საგანგაშოა, რადგან რუსული ბანერი ცენტრალურ ავტობანთან 450 მეტრში მდებარეობს, საქართველოს ხელისუფლება კი დუმს.

„საერთაშორისო სამართლის ნორმების დარღვევა და საოკუპაციო ხაზის გადმოწევა ხშირდება მაშინ, როცა პრაღაში აბაშიძე-კარასინის შეხვედრა ახლოვდება. ამ ბანერიდან საქართველოს მთავარი საგზაო არტერია, ცენტრალური მაგისტრალი 500 მეტრით არის დაშორებული. მე მინდა ვკითხო საქართველოს ხელისუფლებას, ნუთუ ვერ გაიგეთ, რომ მოსკოვისთვის თქვენთან მოლაპარაკებები არის მხოლოდ შირმა და საერთაშორისო ზეწოლის მოხსნამ მიგვიყვანა იქამდე, რომ საქართველო საერთაშორისო დღის წესრიგში საერთოდ აღარ დგას. ამიტომ, თვითმმართველობის არჩევნები რეალურად უნდა გახდეს რეფერენდუმი საქართველოს მოსახლეობისთვის,“ - განაცხადა უდუმაშვილმა.