საზღვრიდან 2-ჯერ გაძევებული ინდოელი ბიზნესმენი მისი საქმით დაინტერესებას ხელისუფლებას სთხოვს

პოლიტიკა - 10:24, 06 Jul, 2017

4711

ინდოელი ბიზნესმენი აკბარ ქუშერი, რომელიც საქართველოს ტერიტორიაზე უკვე ორჯერ არ შემოუშვეს, მომხდარის შესახებ მორიგ ვიდეო მიმართვას ავრცელებს. ქუშერი იმედოვნებს, რომ ყველა კითხვას პასუხი გაეცემა და მომხდარ ინციდენტს შესაბამისი რეაგირება მოჰყვება.

„წინა შემთხვევისგან განსხვავებით ამ ჯერზე სასაზღვრო პოლიციის წარმომადგენლები ადამიანურად მექცეოდნენ, ოფიცერი რომელიც წარსულში აგრესიულად მექცოდა მეგობრული იყო. მან მაჩვენა დოკუმენტი , რომლის მიხედვითაც ჩემი გაძევების გადაწყვეტილება უკვე მიღებული იყო. დამოკიდებულების შეცვლა ალბათ მედიის და სახალხო დამცველის მხრიდან გამოჩენილი ყურადღების გამო მოხდა. ვიმედოვნებ ვინმე ვისაც შესაბამისი ძალაუფლება დაინტერესდება ამ შემთხვევით . გამოიძიებს ჩემს საქმიანობას. მიუხედავად ყველაფრისა საქართველოს როგორც კარგი საინვესტიციო გარემოს მქონე ქვეყნის პოპულარიზაციას მაინც ვცდილობ და აქ ჩამოსვლის სურვილი მაქვს“- განაცხადა ქუშერმა.

ქუშერის ადვოკატის თქმით, მათ საგარეო საქმეთა სამინისტროსთან აქვთ კითხვები თუ რა გახდა უცხოელი ინვესტორის დევნის მიზეზი. ბიზნესმენი და მისიადვოკატი არ გამორიცხავენ, რომ მომხდარი ბიზნეს საქმიანობას უკავშირდებოდეს:

"საგარეო საქმეთა სამინისტროსთან იგივე შეკითხვა გვექნება, უცხოელი ინვესტორის დევნის მიზეზი რა გახლავთ და რა არის დამაბრკოლებელი გარემოება, რომელიც შეფუთულია, თუმცა ცალსახად ჩანს, რომ ეს უკავშირდება მის ბიზნესს." - განაცხადა ინდოელი ბიზნესმენის ადვოკატმა, მანანა აფხაძემ.