საქართველოს იუსტიციის მინისტრის თეა წულუკიანის განცხადებით, იგი საპარლამენტო რესპუბლიკის მომხრეა. თეა წულუკიანი აცხადებს, რომ კლასიკურ საპარლამენტო მოდელზე გადასვლა შემდეგი საპრეზიდენტო არჩევნების შემდეგ მოხდება:

„მმართველი გუნდის პოზიცია, რომელიც ასევე მოიწონა ვენეციის კომისიამ, რომ თუკი ჩვენ ვართ საპარლამენტო რესპუბლიკა, როგორც კლასიკურ საპარლამენტო რესპუბლიკებში, ჩვენთანაც უნდა დადგეს დრო, როდესაც პრეზიდენტი აირჩევა არაპირდაპირი წესით. თქვენ იცით, რომ პარლამენტმა დაამტკიცა პირველი მოსმენით ცვლილებათა პაკეტი, სადაც არის გარდამავალი პერიოდი შემოთავაზებული, იმისთვის, რომ მომდევნო არჩევნებზე ჯერ კიდევ, ისევ პირდაპირი წესით ავირჩიოთ ჩვენი ქვეყნის პრეზიდენტი და მხოლოდ ამის შემდეგ გადავიდეთ კლასიკურ საპარლამენტო მოდელზე,“ - აცხადებს თეა წულუკიანი.