დიპლომატიური სკანდალის მონაწილე ჰელბერტ ზალბერი თანამდებობას ტოვებს

პოლიტიკა - 15:43, 05 Jul, 2017

1961

დაესწრება თუ არა ევროკავშირის სპეციალური წარმომადგენელი და ჟენევის მოლაპარაკებების თანათავმჯდომარე ჰელბერტ ზალბერი, ბრიუსელში დავით დონდუასა და ზურაბ აბაშიძის მიერ გამართულ შეხვედრებს უცნობია. საგარეო საქმეთა მინისტრის მოადგილი დავით დონდუას თქმით, ამასთან დაკავშირებით მას ინფორმაცია არ გააჩნია. დონდუას თქმით ზალბერი თანამდებობას ტოვებს, ამ დროისთვის კი უცნობია ვინ იქნება მისი შემცვლელი ოქტომბერში გასამართ ჟენევის მოლაპარაკებების მორიგ რაუნდზე:

„ბოლო რაუნდზე ბატონმა ზალბერმა განაცხადა, რომ ის ტოვებს თანამდებობას და მიდის გერმანიის ელჩად. ეს გადაწყვეტილება მას ადრე ქონდა მიღებული და ფორმალურად ორი კვირის წინ გამართულ ბოლო შეხედრაზე განაცხადა. აგვისტომდე ჯერ ისევ თანამდებობაზეა. დღევანდელ შეხვედრაზე იქნება თუ არა ვერ გეტყვით.“- განაცხადა დავით დონდუამ.

შეგახსენებთ, ევროკავშირის სპეციალურ წარმომადგენელ და ჟენევის მოლაპარაკებების თანათავმჯდომარე ჰელბერტ ზალბერთან დაკავშირებული იყო დიპლომატიური სკანდალი, მან საოკუპაციო რეჟიმის ე.წ. პრეზიდენტს, ანატოლი ბიბილოვს, არჩევნების წარმატებით ჩატარება მიულოცა. შემდეგ კი ზალბერი გალში, ოკუპაციის ხაზზე 3 საკონტროლო-გამშვები პუნქტის დახურვის პროცესს დაესწრო.