საქართველოს პარლამენტის თავმჯდომარე ირაკლი კობახიძე სამუშაო ვიზიტით სტრასბურგში იმყოფება, სადაც მან განაცხადა, რომ მნიშვნელოვანია შედგეს საერთო კონსესუსი კონსტიტუციასთან დაკავშირებით.

”ჩვენ მივესალმებით ნებისმიერი ტიპის კონსულტაციებს საკონსტიტუციო რეფორმასთან დაკავშირებით. მზად ვართ ჩავერთოთ ამ კონსულტაციაში. ჩვენთვის ძალიან მნიშვნელოვანია, რომ შედგეს საერთო კონსენსუსი დოკუმენტთან დაკავშირებით და ამისთვის ”ქართული ოცნება” ყველაფერს გააკეთებს.

შეხვედრები გავმართეთ პოლიტიკური ჯგუფების წარმომადგენლებთან, როგორც სიოციალისტური ჯგუფის, ისე EPP-ის წარმომადგენლებთან. შეხვედრა და დისკუსია გაიმართა სხვადასხვა საკითხზე, მათ შორის საკონსტიტუციო ცვლილებებზე, რომელიც საქართველოში მიმდინარეობს. კიდევ მრავალი შეხვედრაა დაგეგმილი, სადაც ვისაუბრებთ საქართველოში მიმდინარე რეფორმებზე, მათ შორის საკონსტიტუციო ცვლილებებზე”, - აღნიშნა პარლამენტის თავმჯდომარემ.