ინდოელი ბიზნესმენი, რომელიც საქართველოში არ შემოუშვეს, მესაზღვრეების ქმედების სამართლებრივ შეფასებას ითხოვს

პოლიტიკა - 14:05, 04 Jul, 2017

13189

ინდოელი ბიზნესმენმი აკბარ ქუშერი, რომელიც საქართველოს საზღვარზე არ შემოუშვეს, აღნიშნულ ფაქტთან დაკავშირებით ვიდეომიმართვას ავრცელებს და იმ პრობლემებზე საუბრობს, რომელიც მას საქართველოში შემოსვლისას შეექმნა:

„ინდოეთის მოქალაქე ვარ. ვეწევი ქველმოქმედებას ჩემს ქვეყანაში. მთავრობისგან მაქვს ჯილდოები მიღებული სოფლის მეურნეობის განვითარებაში შეტანილი წვლილისთვის. ამას აღიარებს გაეროც. ბოლო ორ წელია ჩამოვდივარ საქართველოში. საკმაოდ დიდი ინვესტიცია მაქვს ჩადებული 10- ზე მეტი ობიექტში. ასევე მაქვს სოლიდური ანგარიში TBC ბანკის ბალანსზე. ვხელმძღვანელობ მასშტაბურ პროექტს საქართველოში, მაგრამ რაც გუშინ მოხდა საზღვარზე, ჩემთვის შოკისმომგვრელი იყო. ყველაზე ცუდი, რაც კი ცხოვრებაში გადამხდენია. მესაზღვრეს ვაჩვენე ყველა საბუთი შინაგან საქმეთა სამინისტროსა და სასაზღვრო პოლიციის მიერ გაცემული. ეს საბუთები მიუთითებს იმაზე, რომ სუფთა ვარ და არასდროს არაფერი დამირღვევია. დოკუმენტების წარდგენის შემდეგ მესაზღვრე მეორეს დაელაპარაკა. 5 წუთი ველოდებოდი. ამასობაში დავურეკე ჩემს ადვოკატებს, რომ გამერკვია რა ხდებოდა. მეორედ ვკითხე, რიგზე იყო თუ არა ყველაფერი. მითხრეს, მომეცადა. შემდეგ გამომართვეს პასპორტი და მანიშნეს გავყოლოდი. ვიფიქრე, კიდევ უნდა დავეკითხე მქონდა თუ არა უკან დასაბრუნებელი ბილეთი, სამოგზაურო დაზღვევა, სასტუმროს ჯავშანი. ეს შეკითხვები მანამდეც დამისვეს. შემდეგ შემიყვანეს ბარგის შესამოწმებელ ოთახში. მომცეს ჩემი ბარგი და მე ისევ ვკითხე, რიგზე იყო თუ არა ყველაფერი. ავედით მეორე სართულზე და აღმოვჩნდი გამგზავრების გეითთან. ასე რომ, შოკირებული ვარ,“ - განაცხადა ინდოელმა ბიზნესმენმა.

ბიზნესმენი აცხადებს, რომ თავს შეურაცხყოფილად გრძნობს და აპირებს, რომ საქმეს სამართლებრივი მსვლელობა მისცეს, რადგან მათ ქმედებას არასათანადო მოპყრობად აფასებს. ინდოელი ბიზნესმენის უფლებადამცველმა მანანა აფხაძემ უკვე დაიწყო სამართლებრივ რეაგირება მომხდარ ფაქტთან დაკავშირებით. მან უკვე მიმართა შინაგან საქმეთა სამინისტროს გენერალურ ინსპექციას და მესაზღვრეების ქმედების სამართლებრივ შეფასებას ითხოვს.