"გირჩი" არჩევნებისთვის მხარდამჭერთა რეგისტრაციას იწყებს

პოლიტიკა - 12:23, 04 Jul, 2017

1150

პარტია „გირჩი“ თვითმმართველობის არჩევნებში მონაწილეობისთვის ხელმოწერების შეგროვებას იწყებს, როგორც ნოვატორმა, გირჩმა აღნიშნული ხელმოწერების ელექტრონული შეგროვება დაიწყო. გირჩს წლევანდელ ადგილობრივ არჩევნებში მონაწილეობისთვის 25 ათასი ხელმოწერა სჭირდება, ზურაბ ჯაფარიძის თქმით პარტია საარჩევნო პროცესში მხოლოდ იმ შემთხვევაში ჩაერთვება თუ ხელმოწერების აღნიშნული რაოდენობა შეგროვდება, ვადა აგვისტოს ბოლომდეა:

„ჩვენ დღეიდან ვიწყებთ ხელმოწერების შეგროვებას, ოღონდ ვეძებთ რეალურ მხარდამჭერებს და ამას არ ვაკეთებთ ისე, როგორც ამას საქართველოში აკეთებენ პარტიები, როდესაც რაღაც სიების გადმოწერა ხდება. თუ ჩვენ ვიპოვით 25 ათას მხარდამჭერს, ამ შემთხვევაში "გირჩი" სრულფასოვნად მიიღებს არჩევნებში მონაწილეობას,“ - განაცხადა ზურა ჯაფარიძემ.

ამასთანავე გირჩის ახალ ინტერნეტ პროგრამაში შესაძლებელია, რომ კანდიდატადაც დარეგისტრირდეთ და ადგილობრივ თითმმართველობის არჩევნებში მათი სახელით მიიღოთ მონაწილეობა.

იმ შემთხვევაში თუ გირჩმა შესაბამისი ხელმოწერები შეაგროვა, სავარაუდოდ თბილისის მერის არჩევნებზე პარტიის კანდიდატი ზურაბ ჯაფარიძე იქნება.