ინდოეთის მოქალაქეები საქართველოს საზღვარზე შექმნილ პრობლემებზე საუბრობენ

პოლიტიკა - 10:35, 04 Jul, 2017

12501

ინდოელი ბიზნესმენი აკბარ ქურეში ქართველ მესაზღვრეებს მუქარაში ადანაშაულებს და აცხადებს, რომ იმის მიუხედავად, რომ საბუთები წესრიგში ქონდა, ის ქვეყანაში არ შემოუშვეს და დაპატიმრებით დაემუქრნენ თუ საქართველოს არ დატოვებდა. ინფორმაციას ამის შესახებ ინფორმაცია მისმა კოლეგამ, ეგვიპტელმა ბიზნესმენმა, ამირ ქამალიმ გაავრცელა. მისი თქმით აკბარ ქურეში საქართველოში დიდი პროექტის, დასახლება "საგურამო გარდენის" მშენებლობაში მონაწილეობს და პროექტში 350 მილიონი დოლარის ინვესტირებას ახდენს:

„საპასპორტო კონტროლზე მას უთხრეს, რომ დღეს საქართველოში ვერ შემოვიდოდა და ხვალ ჩამოსულიყო. ის ჩემ კომპანიასთან დაკავშირებული მეშვიდე ინვესტორია, რომელიც უშიშროების სამსახურმა ქვეყანაში არ შემოუშვა. მზად ვარ, ამ პრობლემის გასარკვევად საქართველოს უშიშროების სამსახურის, ხელისუფლების წარმომადგენლებს და ტელევიზიებს შევხვდე, რადგან ჩემთვის გაუგებარია, რატომ ხდება მსგავსი ფაქტები," - განაცხადა ეგვიპტელმა ბიზნესმენმა, ამირ ქამალიმ რუსთავი2-თან საუბრისას

ქართველი მესაზღვრეების უხეშ მოპყრობაზე საუბრობს ინდოეთის კიდევ ერთი მოქალაქე ქუშბუ კოშალიც, რომელიც საქართველოში ტურისტის სტატუსით 29 ივნისს ჩამოდიოდა. მისი თქმით მესაზღვრეებმა ის დაახლოებით 10 საათი ალოდინეს საბოლოოდ კი იიძულებული გახდა ინდოეთში, მუმბაიში დაბრუნებულიყო.