მერია "ელიავას ბაზრობის" დაზარალებულებისთვის კომპენსაციის გადახდას არ აპირებს

პოლიტიკა - 16:39, 03 Jul, 2017

2127

თბილისის მერის მოადგილის განცხადებით, თბილისის მერია „ელიავას ბაზრობის“ ხანძრის შედეგად დაზარალებულებისთვის კომპენსაციის გადახდის საკითხს არ განიხილავს. როგორც ირაკლი ლექვინაძემ ტელეკომპანია „პირველის“ ეთერში განაცხადა ერთჯერადი კომპენსაცია, რომელიც წინა ხანძრის დროს გაიცა, კეთილი ნება იყო და არა სახელმწიფოს ვალდებულება:

„არანაირად არ არის კერძო მეწარმეების, საკმაოდ შეძლებული ჯგუფის, მიყენებული ზარალის ანაზღაურების ვალდებულება. ყველამ კარგად უნდა ვიცოდეთ, რომ ეკონომიკური და ბიზნეს საქმიანობა უკავშირდება გარკვეულ რისკებს და მისი დაზღვევა არის აუცილებელი, ჩვენ არ ვაპირებთ რაიმეს ანაზღაურების საკითხის განხილვას, იმიტომ რომ ეს არ არის სწორი. წინა შემთხვევა, როდესაც ერთჯერადი კომპენსაციები იქნა გაცემული იყო აბსოლუტურად კეთილი ნება. საკრებულოს ინიციატივით გამოიკვეთა ჯგუფი, რომელიც იყო გარკვეული სოცალური ჯგუფის წარმომადგენელი. ამ ეტაპზე ამ საკითხს არ განვიხილავთ, ერთადერთი შეიძლება გარკვეული შუამდგომლობები გავწიოთ ზოგიერთ სამსახურთან, რომ ამ ადაამიანებთან დაკავშირებით გამოყენებული იქნას შეღავათი.“- განაცხადა ირაკლი ლექვინაძემ.