ხვალ, გაეროს პროგრამის ფარგლებში საკრებულოს წევრი ქალების ყოველწლიური კონფერენცია გაიმართება

პოლიტიკა - 20:42, 02 Jul, 2017

1648

ხვალ, 3 ივლისს, საქართველოს ადგილობრივ არჩევნებამდე ოთხი თვით ადრე, საკრებულოს წევრი ქალები სხვადასხვა რეგიონიდან შეიკრიბებიან თბილისში მე-4 ყოველწლიური ეროვნული კონფერენციის ჩასატარებლად.

საკრებულოს წევრ ქალთა ფორუმის მონაწილეები განიხილავენ გასული წლის მანძილზე ჩატარებული სამუშაოს ანგარიშს და იმსჯელებენ ქალთა პოლიტიკური მონაწილეობის გაზრდის გზებზე. ისინი ასევე შეხვდებიან საქართველოს მთავრობის, პარლამენტის, სამოქალაქო საზოგადოებისა და საერთაშორისო ორგანიზაციების წარმომადგენლებს.

კონფერენციის ორგანიზატორია საქართველოს მუნიციპალური მომსახურების უზრუნველმყოფთა ასოციაცია (MSPA), გაეროს განვითარების პროგრამისა (UNDP) და შვედეთის მთავრობის ხელშეწყობით, გენდერული თანასწორობისათვის გაეროს ერთობლივი პროგრამის ფარგლებში.

ფორუმს გახსნიან:

• ნილს სკოტი– გაეროს განვითარების პროგრამის (UNDP) ხელმძღვანელი საქართველოში

• მარტინა ქუიქი – შვედეთის ელჩი საქართველოში

• გუგული მაღრაძე – საქართველოს პარლამენტის გენდერული თანასწორობის საბჭოს წევრი

• ირაკლი მატკავა – საქართველოს რეგიონული განვითარებისა და ინფრასტრუქტურის მინისტრის მოადგილე

• ირმა ზავრადაშვილი – დიდუბის გამგებელი (თბილისი)

• გიორგი დათუნაშვილი – საქართველოს მუნიციპალური მომსახურების უზრუნველმყოფთა ასოციაციის (MSPA) თავმჯდომარე

ღონისძიება ხვალ, 09:30 საათზე, სასტუმროში „ჰოლიდეი ინ“-ში გაიმართება.

მისამართი: თბილისი, 26 მაისის მოაედანი #1

საკონტაქტო ინფორმაცია

UNDP საქართველო:

სოფო ჭიჭინაძე sophie.tchitchinadze@undp.org