„ქართული ოცნების“ მერობის კანდიდატი კახი კალაძე მთაწმინდაზე პრემიერ-მინისტრმა წარადგინა. კალაძე საზოგადოებას მიესალმა:

„უდიდესი პატივია, ვიყო წარდგენილი თბილისის მერის პოსტზე, განსაკუთრებული ემოციები მაკავშირებს თბილისთან, რომელიც წლების მანძილზე ჩემი გულშემატკივარი იყო, რომელიც ჩემთან ერთად ზეიმობდა გამარჯვებას და მეფერებოდა გაჭირვების ჟამს, რომელმაც გულში ჩამიკრა და უდიდესი წვლილი შეიტანა ჩემს გამარჯვებებში. ჩემს ცხოვრებაში ხშირად იყო საპასუხისმგებლო და ეტაპობრივად მნიშვნელოვანი მომენეტბი, რომელთა სიმძაფრე და განცდა დღემდე მომყვება.

ჩვენ ყოველთვის გამარჯვებით ვაღწევდით მიზანს, ვინაიდან ყოველთვის ვიცოდით როგორ გვეკეთებინა ის საქმე, რასაც ხელი მოვკიდეთ და დღესაც ჩვენ, ყველა ვინც ვთვლით, რომ თბილისს ძირეული ცვლილებები სჭირდება, ვართ ერთად.

ჩვენ ერთნი ვართ, მე და თქვენ და აუცილებლად გავიმარჯვებთ, თბილისი გაიმარჯვებს.

2012 წელს როცა რეჟიმმა ქვეყანა ჩიხში შეიყვანა და მხოლოდ ძალადობა, უკანონობა სუფევდა ირგვლივ, ჩვენმა ერთობამ და გუნდურობამ მოიტანა ის ძალიან დიდი და მნიშვნელოვანი გამარჯვება. ძალიან მალე თითოეულ თბილისელს დეტალურად გაგაცნობთ იმ გეგმებსა და მიზნებს, რის განხორციელებასაც ვგეგმავთ მომავალში, რომელიც მთლიანად თქვენს მოთხოვნებზე, სურვილებზე თუ საჭიროებებზე არის მორგებული. ჩვენ ვიღებთ ვალდებულებას ვიმუშაოთ როგორც მთლიანად ქალაქისთვის, ისე ყველა უბნისთვის, პერსონალურად თითოეული თბილისელისთვის.

ხალხი იცხოვრებს უკეთეს გარემოში, ეს არის საზოაგდოების მოტხოვნა და ამ საზოგადოების ნაწილი ვარ მეც. ჩვენი ოცნების თბილისი იქნება ისეთი, როგორსაც ჩვენი ხელით შევქმნით. თანამედროვე, ჯანაღი, თბილისი გახდება წარმატებული ქალაქი, ჩვენი გამარჯვება თბილისის გამარჯვებაა“, - განაცხადა კახა კალაძემ.