როდის ამოქმედდება გაზზე მომუშავე ავტომობილებისთვის რეგულაციები

როდის ამოქმედდება გაზზე მომუშავე ავტომობილებისთვის რეგულაციები - შსს განცხადებას ავრცელებს

პოლიტიკა - 12:09, 01 Jul, 2017

6518

ახალი რეგულაციები მოქმედებს ბუნებრივ აირზე მომუშავე მანქანებზეც. არსებული ინფორმაციით, მძღოლები ამაზე ინფორმირებული არ ყოფილან, ხოლო ტესტირებისათვისა რამდენიმე მანქანების შემოწმება ვერ ხერხდება. მათ შორის დასაზუსტებელია, რომელი ავტომობილებისთვის არის აუცილებელი ტექ-დათვალიერება

მედიასაშუალების მიერ გავრცელებულ ინფორმაციას ეხმაურება შინაგ საქმეთა სმაინისტრო. როგორც უწყებაში "ნიუპოსტს" განუცხადეს, ბუნებრივ აირზე მომუშავე მანქანების მძღოლები ისარგებლებენ იმ რეჟიმით, რომელიც იყო პირველ ივლისამდე ვიდრე არ დადგინდება ტექ-დათვალიება და სისტემები.

"მედიასაშუალებებით გუშინ გავრცელდა ინფორმაცია ბუნებრივი აირის სისტემაზე მომუშავე სატრანსპორტო საშუალებებთან დაკავშირებით კანონმდებლობის შეცვლის შესახებ, თითქოს მიმდინარე წლის 1 ივლისიდან გამკაცრდება შემოწმება და მათზე გავრცელდება ქულების შემცირება. აღსანიშნავია, რომ საქართველოს ადმინისტრაციულ სამართალდარღვევათა კოდექსის 119-ე მუხლის მე-7 ნაწილში, რომელიც ამ საკითხს არეგულირებს, არანაირი საკანონმდებლო ცვლილება არ განხორციელებულა. ასევე, არ შეცვლილა საპატრულო პოლიციის აქამდე არსებული მიდგომა ბუნებრივი აირის სისტემის მქონე სატრანსპორტო საშუალებებთან დაკავშირებით. ვიდრე არ ამოქმედდება ტექდათვალიერების სისტემა და არ დადგინდება სტანდარტები ამ სფეროში, ბუნებრივ აირზე მომუშავე სატრანსპორტო საშუალებების მძღოლები ისარგებლებენ ისეთივე სამართლებრივი რეჟიმით, როგორც ეს იყო 2017 წლის 1 ივლისამდე და მათ ქულების შემცირება არ შეეხებათ. გამონაკლისია იმ სატრანსპორტო საშუალებების მძღოლები, რომელთა ავტომობილები ექვემდებარებიან სავალდებულო ტექდათვალიერებას" - აცხადებენ შინაგან საქმეთა სამინისტროში.