არასამთავრობო ორგანიზაციებისწარმომადგენლები ვენეციის კომისიის პრეზიდენტის ამ წუთებში ხვდებიან. შეხვედრაზე საკონსტიტუციო ცვლილებებს განიხილავვენ.

მესამე სექტორის თქმით, საკონსტიტუციო პროექტში უმთავრესი პრობლემა საარჩევნო სისტემაა.

არასამთავრობოები გამოსავლის სახით, ხელისუფლებას საარჩევნო სისტემასთან დაკავშირებული საკითხების უკან გაწვევას და ხელახალ განხილვას სთავაზობენ.

სამოქალაქო სექტორი, მმართველ გუნდს ვენეციის კომისიის შეურაცხყოფაში ადანაშაულებს.

„როდესაც ვენეციის კომისიის პრეზიდენტს უწევს ასეთი სიმწვავის განცხადებების გაკეთება, ეს ნიშნავს, რომ პირდაპირ ეს ურტყამს სამწუხაროდ, ხელისუფლებას, საქართველოს სახელმწიფოს და მის რეპუტაციას. იმიტომ, რომ სრულიად მიუღებელია ამუშაო ვენეციის კომისია დაჩქარებულ ვადებში, ერთი თვის ვადაში დააწერინო დასკვნა, ისინი მართლა ძალიან ჩართულები იყვნენ და რამდენჯერმე ჩამოვიდნენ და შემდეგ პრაქტიკულად აიღო ყველა დაპირებაზე, ყველა პროცესზე, ხაზი გადაუსვა მათ რეკომენდაციებს და ასე მიაყენო შეურაცხყოფა ამ ინსტიტუციას,“ - განაცხადა მიხეილ ბენიძემ.