იქნება თუ არა კალაძე „ოცნების“ მერობის კანდიდატი - გადაწყვეტილებას ხვალ პოლიტსაბჭო მიიღებს

პოლიტიკა - 21:23, 30 Jun, 2017

6689

"ქართული ოცნება" თბილისის მერობის კანდიდატს ხვალ პოლიტსაბჭოს სხდომის შემდეგ დაასახელებს.

დაასახელებს თუ მმართველი გუნდი კახი კალაძეს თბილისის მერობის კანდიდატად ამასთან დაკავშირებით პარლამენტის თავმჯდომარე ირაკლი კობახიძე დაკონკრეტებისგან თავს იკავებს და აღნიშნავს, რომ საბოლოო გადაწყვეტილება ხვალინდელი პოლიტსაბჭოს სხდომის შემდეგ ინება ცნობილი.

„ხვალ შედგება პოლიტსაბჭოს სხდომა, სადაც საბოლოოდ დამტკიცდება მერობის კანდიდატი და ინფორმაცია საჯარო გახდება. ამ ყველაფრის დადასტურება შეუძლია მხოლოდ პარტიის პოლიტიკურ საბჭოს, რომელიც ხვალ გაიმართება“- განაცხადა კობახიძემ.

მმართველ გუნდში კი აცხადებენ, რომ კახა კალაძე თბილისის მერობის უალტერნატივო კანდიდატია.

„კახი არის ჩვენი გუნდის ერთ-ერთი ძლიერი ფორვარდი და რა თქმა უნდა, მისი განხილვა ამ პოზიციაზე არის ძალიან რეალური. მას აქვს დიდი შანსები და მას აქვს დიდი შესაძლებლობები, რომ იყოს წარმატებული მერი,“ - განაცხადა არჩილ თალაკვაძემ.

„ქართულ ოცნებაში“ მეორე ტურს გამორიცხავენ. პარლამენტის ვიცე სპიკერის, გია ვოლსკის თქმით, კახა კალაძე მერის არჩევნებში გამარჯვებას პირველივე ტურში შეძლებს.