"ამორალური, ანტიქართული, ანტიუკრაინული"- სააკაშვილი პოროშენკოს აფხაზეთთან ვაჭრობაში ადანაშაულებს

პოლიტიკა - 15:51, 29 Jun, 2017

4027

უკრაინული ტელეკომპანია „ზიკ“-ის ეთერში, საქართველოს მესამე პრეზიდენტმა და ამჟამად უკრაინელმა ოპოზიციონერმა მიხეილ სააკაშვილმა უკრაინის პრეზიდენტი აფხაზეთის თვითგამოცხადებულ რესპუბლიკასთან ვაჭრობაში დაადანაშაულა, სააკაშვილის თქმით 2010 წელს კომპანია „ბოგდან“-მა, რომელიც პოროშენკოს ეკუთვნოდა, სოხუმში ავტობუსების მიწოდება განახორციელა.

სააკაშვილი ირწმუნება, რომ არსებობს დოკუმენტი, სადაც აფხაზეთი მითითებულია, როგორც სავაჭრო პარტნიორი.

„პოროშენკო იღებდა შემოსავალს უკანონო, ამორალური, ანტიქართული, ანტიუკრაინული ვაჭრობით ოკუპირებულ ტერიტორიებთან“- განაცხადა მიზეილ სააკაშვილმა. მისი თქმით პოროშენკომ თავისი ქმედებებით დაარღვია, როგორც საერთაშორისო, ასვეე უკრაინის და საქართველოს კანონები. სააკაშვილი პოროშენკოსგან ამ საქმესთან დაკავშირებით განმარტებებს ითხოვს.

„ISUZU-БОГДАН“-ის მარკის ავტობუსების აფხაზეთში მიწოდების საკითხზე, აფხაზური მედია 2010 წელს წერდა, თუმცა მაშინდელ ინფორმაციაში არაფერია ნათქვამი, კონკრეტულად უკრაინის მხრიდან ხდებოდა თუ არა ოკუპირებულ ტერიტორიაზე ავტობუსების შეყვანა.

აპსნიპრესის ინფორმაციით: „ 20 დან 10 ავტობუსი სოხუმის ტრანსპორტის სამსახურში გაიგზავნა, 4 გუდაუთაში, 6 კი გაგრაში“ ამავე ანგარიშში ნათქვამი იყო რომ იგეგმება 25 ტროლეიბუსის შმეოყვანა, თუმცა მათი მარკა არაა მითითებული. ცნობისთვის კომპანია „ბოგდანი“ ამავე დროს ტროლეიბუსებსაც აწარმოებს.